Аргентинанинг «Бока Хуниорс» клуби спорт директори лавозимига Марсело Делгадо тайинланганини маълум қилди. У клуб президенти, «Барселона»нинг собиқ футболчиси Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини тез фурсатда кучайтириш зарурати борлиги қайд этилмоқда. Шу сабабли Делгадо ва Рикелме дуэти трансферлар ҳамда таркибни янгилаш масалаларида фаол ишлашига тўғри келади.
Марсело Делгадо футболчилик фаолиятида ҳам анча тажрибага эга: у Аргентина терма жамоасида 1995–2002 йиллар оралиғида 18 та ўйин ўтказган ва 1998 йилги Жаҳон чемпионатида ҳам иштирок этган.
Шунингдек, 2003 йилда Делгадо Либертадорес кубогининг энг яхши тўпурари бўлган. У бу совринни «Сантос» ҳужумчиси, бразилиялик Рикардо Оливейра билан бирга қўлга киритган.
“Zamin”ни Telegram'да ўқинг!
