Аргентина гранди «Бока Хуниорс» клубнинг янги спорт директори ким бўлишини расман маълум қилди. Ушбу лавозимга Марсело Делгадо тайинланди ва у клуб президенти Хуан Рикельме билан яқин ҳамкорликда ишлайди. Бу ҳақда euro-football.ru хабар беради.
Қайд этилишича, «Бока Хуниорс» таркибни зудлик билан кучайтиришга муҳтож. Шу боис Делгадо ва Рикельме тандеми трансферлар ҳамда жамоани мустаҳкамлаш масалаларини тез фурсатда ҳал қилишга киришади.
Делгадо футболчилик фаолиятида ҳам юқори даражада ўйнаган: у 1995–2002 йиллар оралиғида Аргентина терма жамоаси сафида 18 та учрашувда майдонга тушган ва 1998 йилги жаҳон чемпионатида ҳам иштирок этган.
Шунингдек, у 2003 йилда Либертадорес кубогининг энг яхши тўпурари бўлиб, бу кўрсаткични «Сантос» ҳужумчиси, бразилиялик Рикардо Оливейра билан бўлишиб олган.
“Zamin”ни Telegram'да ўқинг!
