Камерун терма жамоасининг собиқ ҳимоячиси Жереми Нжитап ватандоши Андре Онана ҳақида фикр билдирди. Дарвозабон ҳозир “Трабзонспор” сафида ижара асосида ўйнамоқда, унинг шартнома ҳуқуқлари эса “Манчестер Юнайтед”га тегишли. Бу ҳақда euro-football.ru хабар беради.
Нжитапнинг айтишича, Онана клубдаги даврида ҳаммаси ҳам режа бўйича кетмаган, бироқ муаммо фақат дарвозабонда эмас. У Карик жамоага келганидан кейин вазият яхшиланаётганини таъкидлаб, Онана ижарадан қайтиб, асосий таркибдаги ўрин учун кураш олиб бориши зарурлигини айтди. Нжитап Онана қийинчиликлар пайтида ҳам доим юқори савия кўрсатиб келганини қўшимча қилди.
Жорий мавсумда 29 ёшли Онана 21 та учрашувда майдонга тушиб, 32 та гол ўтказиб юборди. У 4 та ўйинда дарвозаси дахлсизлигини сақлаб қолди.
“Zamin”ни Telegram'да ўқинг!
