Уругвайлик ҳужумчи Эдинсон Кавани Аргентинада оғир даврни бошдан кечирмоқда. «Бока Хуниорс» мухлислари уни тез-тез ҳуштакбозлик билан кутиб олади, футболчининг ўйин амалиёти ҳам барқарор эмас: баъзан умуман майдонга тушмайди, баъзан эса учрашув охиригача етмай, алмаштирилади. Бу ҳақда euro-football.ru хабар беради.
Аргентина футболининг собиқ юлдузи Оскар Руджери бу ҳолатни Каванининг обрўси учун ҳақоратли деб баҳолади. Унинг фикрича, бундай муносабат фонида тажрибали форвардга футболни якунлагани маъқул.
«Бундай таржимаи ҳолга эга ўйинчи учун бу — ҳақорат. Шундай бўладиган бўлса, футболни йиғиштириб қўйган яхши», — дея Руджерининг сўзларини derbyderbyderby.it келтирди.
Эслатиб ўтамиз, Кавани аввалроқ «Наполи», ПСЖ ва «Манчестер Юнайтед» каби клубларда ҳам тўп сурган.
“Zamin”ни Telegram'да ўқинг!
