15:45 / 09.05.2022

Urushning 74-kuni: Donbass shimoli olov ichida, Kiyev metrosida konsert. Urush suratlari

Urushning 74-kunida Ukrainaga yuqori martabali kishilar tashrifi kuzatildi. «Kreshchatik» metro bekatida U2 guruhi konsert berdi, prezident Volodimir Zelenskiy mashhur sapyor it Patron bilan birgalikda Kanada bosh vaziri Jastin Tryudoni kutib oldi. Ammo urush to‘xtamayapti — rossiyalik harbiylar Donbass shimolidagi shiddatli janglar vaqtida vayronaga aylangan Popasnaya shahrini egallagani xabar qilindi.

^{AQSHning birinchi xonimi Jill Bayden Ukrainaning Slovakiya bilan chegarasi yaqinidagi Ujgorod shahrida Volodimir Zelenskiyning rafiqasi Olena Zelenskaya bilan uchrashdi. AP Photo/Susan Walsh, Pool}
Ukrainadagi urush. So‘nggi ma’lumotlar
So‘nggi kunlarda Ukrainadagi qator manbalar rossiyalik harbiylar Lugansk oblastida sezilarli natijalarga erishayotgani haqida xabar bergan bo‘lsa-da, Ukraina qurolli kuchlari bosh shtabining ertalabgi ma’lumotnomasida front chizig‘ida o‘zgarish yo‘qligi aytilgan:

Izyum atrofida, Slavyanskdan 30 kilometr shimoli-g‘arbda joylashgan rayonda rossiyalik harbiylar hamon janubga yurishga harakat qilmoqda. Ukrainaning Xarkov oblasti bilan chegaradosh bo‘lgan Belgorod oblastida 19 ta batalon-taktik guruhlar jamlangan.
Bosh shtabning yozishicha, Donetsk yo‘nalishida «dushman asosiy sa’y-harakatlarini Rubejnoye va Popasnaya aholi punktlarini egallashga qaratgan, Seversk, Slavyansk, Lisichansk va Avdeyevka aholi punktlariga yurish qilishga tayyorlanmoqda». Dam olish kunlarida ukrain manbalari Popasnaya mudofaasi yorib o‘tilgani uchun ukrain qismlari boshqa mudofaa chizig‘iga chekinishgani haqida xabar bergandi.
Xerson oblastida faol harbiy harakatlar bo‘lmagan, faqat otishmalar davom etmoqda.
Bosh shtab Donbassda joylashgan Birlashgan kuchlar matbuot xizmatining so‘nggi bir kundagi harbiy harakatlar chog‘ida dushmanning 20 tanki va 29 ta boshqa zirhli mashinalari yo‘q qilingani haqidagi xabarini takrorlagan.

^{U2 guruhi vakili Bono Kiyev metrosidagi «Kreshchatik» bekatida konsert qo‘ydi.
Oleg Petrasyuk / EPA / Scanpix / LETA}

^{Qizil askar tasvirlangan haykal o‘qqa tutilishi oqibatlari.
Genya Savilov / AFP / Scanpix / LETA}

^{Kiyevga rasmiy tashrif chog‘ida Kanada bosh vaziri Jastin Tryudo Ukraina davlat favqulodda vaziyatlar xizmatining sapyor iti — Patron bilan tanishdi.
Alexey Furman / Getty Images}
Mariupol

^{Mariupol xarobalarida sovetlarning g‘alaba bayrog‘i.
Alexander Ermochenko / Reuters / Scanpix / LETA}

^{Azovstal» zavodi o‘qqa tutilishi davom etmoqda.
Alexander Ermochenko / Reuters / Scanpix / LETA}
Odessa

^{Odessa sohilidagi vayron bo‘lgan mehmonxona. Binoga rossiyaliklar raketasi kelib tushgan.
Oleksandr Gimanov / AFP / Scanpix / LETA}
Donbass shimoli

^{Donetsk oblasti Seversk shahridagi temiryo‘l stansiyasiga raketa zarbasi berilishi oqibatlari.
Yasuyoshi Chiba / AFP / Scanpix / LETA}

^{Donetsk oblastidagi Seversk shahri o‘qqa tutilishi oqibatlari.
Yasuyoshi Chiba / AFP / Scanpix / LETA}

^{Ukraina qurolli kuchlari harbiylari BTRda Donetsk oblastidagi Seversk shahri hududidan o‘tmoqda.
Yasuyoshi Chiba / AFP / Scanpix / LETA}

^{Ukraina harbiy havo kuchlari MiG samolyoti Donetsk oblastidagi Konstantinovka shahri ustidan uchib o‘tmoqda.
Jorge Silva / Reuters / Scanpix / LETA}

^{Donetsk oblastidagi front chizig‘ida joylashgan Pereyezdnoye qishlog‘ida Ukraina armiyasi harbiysi xotiniga qo‘ng‘iroq qilmoqda.
Yasuyoshi Chiba / AFP / Scanpix / LETA}

^{Konstantinovkadagi zarbalardan shikastlangan maktab binosining tashqi ko‘rinishi.
Jorge Silva / Reuters / Scanpix / LETA}
Zaporoje

^{Zaporojedagi qochqinlarni qabul qilish markazi.
Dimitar Dilkoff / AFP / Scanpix / LETA}

^{Zaporoje oblastidagi Pologi shahridan (bu shahar hozirda Rossiya harbiylari qo‘lida) bo‘lgan kishi Zaporojedagi qochqinlarni qabul qilish markazida uxlamoqda.
Francisco Seco / AP / Scanpix / LETA}

^{Mariupolliklar chiqqan avtobus Zaporojedagi qochqinlarni qabul qilish markaziga keldi.
AP Photo/Francisco Seco)}

^{Mariupoldan olib chiqilgan ayol. Foto: AP Photo/Francisco Seco}
Xarkov

^{Sapyorlar Xarkovdagi totalitarizm qurbonlari memoriali hududiga tushgan va portlamay qolgan raketani zararsizlantirmoqda.
Sergey Bobok / AFP / Scanpix / LETA}

^{Ukrain harbiy xizmatchilari temiryo‘l ishchilari Xarkov ostonasidagi janglarda halok bo‘lgan rus askarlari jasadlarini refrijerator vagoniga yuklamoqda.
Felipe Dana / AP / Scanpix / LETA} Rossiya va Ukraina urushi