2025 yil 10 noyabr kuni Qozog‘istonlik bloger Arujan Aybekova Toshkent metrosida o‘tkazgan prankdan keyin unga nisbatan ma'muriy ish qo‘zg‘atilgani haqida o‘z fikrlarini bildirdi. Aybekova avvalroq Toshkent metrosida yosh yigitlarga hazil qilish sahnalari aks etgan videolarni suratga olib, o‘z ijtimoiy tarmoqlari sahifalarida e’lon qilgan edi.
O‘zbekiston ijtimoiy tarmoqlar foydalanuvchilari bu kabi harakatlarni hurmatsizlik deb baholab, ayniqsa, ayollar transportda har kuni tazyiqlarga duch keladigan mamlakatda bunday hazillarni masxara sifatida qabul qilishlarini ta’kidladilar. Blogerning yangi videosida u onasining ovozli xabarini tinglarkan ko‘z yoshlarini tiyolmadi.
"Endi men odamlarning ko‘ziga qanday qarayman? Bu ishni tashla.
Bu yo‘l seniki emas," dedi Arujanning onasi. Bloger esa hammasi yaxshi bo‘lishini aytib, o‘z harakatlariga izoh berdi: "Men shunchaki odamlarga quvonch ulashishni, ularning kayfiyatini ko‘tarishni xohlagan edim.
Mening niyatim atrofni quvonch va muhabbat bilan to‘ldirish edi," dedi u.
