Avvalroq "Sevilya" va "Milan" safida o'ynagan argentinalik hujumchi Lukas Okampos ayni paytda Meksikada — "Monterrey" klubi futbolchisi sifatida to'p tepmoqda. Bu jamoada u bir muddat Serxio Ramos bilan ham birga harakat qilgan, keyinchalik ispaniyalik himoyachi klubni tark etgandi. Bu haqda euro-football.ru xabar beradi.
"Monterrey" Okamposning sog'lig'ida muammo borligini ma'lum qildi: unda yuz mushaklarining qisman falaji aniqlangan. Ole nashri yozishicha, futbolchi qizi bilan o'ynayotgan paytda omadsiz yiqilib tushib jarohat olgan — bilagini sindirib, yuz qismi bilan ham qattiq urilgan.
Eslatib o'tamiz, Okampos 2019–2024 yillarda "Sevilya" libosida o'ynagan. Shuningdek, u faoliyati davomida fransuz "Marsel"i va niderland "Ayaks"i safida ham maydonga tushgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
