Globe Soccer Award taqdirlash marosimi davom etar ekan, “Eng yaxshi erkaklar klubi” nominatsiyasida g‘alaba fransuzning “PSJ” jamoasiga nasib etdi. Bu haqda euro-football.ru xabar beradi.
Bu yo‘nalishda katta kutilmagan holat kuzatilmadi: 2025 yil davomida parijliklar haqiqatan ham eng barqaror va kuchli klub bo‘ldi. “PSJ” mavsumni olti sovrin bilan yakunladi — Liga 1, Fransiya kubogi, Fransiya superkubogi, Chempionlar ligasi, UEFA superkubogi va Qit’alararo kubok.
Parij klubi uchun yil davomidagi yagona jiddiy omadsizlik Klublar o‘rtasidagi jahon chempionatida qayd etildi: jamoa finalgacha yetib bordi, biroq hal qiluvchi bahsda “Chelsi”ga 0:3 hisobida imkoniyatni boy berdi.
Shuningdek, Globe Soccer Award talqiniga ko‘ra, “PSJ” ustozi Luis Enrike yilning eng yaxshi murabbiyi deb topildi.
“PSJ”ning navbatdagi uchrashuvi 4-yanvar kuni “Parij”ga qarshi bo‘lib o‘tadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
