Foto: Xabar.uz
Bugun Prezident ta’lim muassasalari agentligi huzurida tashkil etilgan Pedagogik mahorat va xalqaro baholash markazining faoliyati yuzasidan matbuot anjumani bo‘lib o‘tdi.
Anjumanda bir qancha masalalarga to‘xtalib o‘tildi. Xususan, rahbar va pedagog xodimlarini uzluksiz kasbiy rivojlantirish, malaka oshirish kurslarini tashkil etish, davlat ta’lim talablarini ishlab chiqish, innovatsion loyihalarni amalga oshirish hamda davlat ta’lim talablarini ishlab chiqish kabi masalalar haqida ham so‘z yuritildi.
Tadbirda markaz tomonidan pedagog kadrlar uchun 7-12 fevral kunlari «Zamonaviy trener dasturi» nomli trening mashg‘ulotlari o‘tkazilishi ma’lum qilindi. Bu dastur asosan Prezident maktablari, prezident-ijod maktablari va ixtisoslashtirilgan maktablari o‘qituvchilarini qamrab oladi.
«Yaxshi o‘qituvchi, yaxshi trener yoki mentor degani emas. Biz o‘qituvchilar nafaqat o‘qitishi, balki o‘rganishini ham ta’minlamoqchimiz. Maqsad o‘qituvchilarni yiqitish emas. Biz o‘z ustida ishlamaydigan o‘qituvchi qolishini istamaymiz», — deydi maktablar faoliyatini muvofiqlashtirish markazi boshqarma boshlig‘i Gavhar Ishimova.
«She’r yodlatish, XXI asr pedogogika talablariga javob bermaydi. Bu fikrlashning eng quyi shaklinigina rivojlantiradi. Biz taklif etayotgan yangi tizim esa o‘qituvchining o‘qitishiga emas, o‘quvchisining o‘rganishiga asoslangan», — deb qo‘shimcha qildi Seleksiya va pedagoglar malakasini oshirish bo‘lim boshlig‘i Nargiza Qo‘chqorova.
Gavhar Ishimovaning ta’kidlashicha, AKT vazirligi bilan hamkorlikda o‘qituvchilar uchun maxsus platforma ishlab chiqilmoqda va bu tizim jahon standartlariga to‘la javob beradi.
Shuningdek, markaz tomonidan pedagoglarning kasbiy mahoratini oshirish maqsadida ko‘plab xalqaro tashkilotlar bilan hamkorlik yo‘lga qo‘yilgan bo‘lib, Cambridge Assessment International Education bilan hamkorlikda PDQ (Professional development qualification) — kasbiy rivojlanish loyihasi dasturi ustida ish olib borilmoqda.
Ma’lumot o‘rnida, O‘zbekiston Respublikasi Vazirlar Mahkamasining 9 dekabr 2021 yildagi 741-son qaroriga muvofiq, Prezident ta’lim muassasalari agentligi huzurida Pedagogik mahorat va xalqaro baholash markazi tashkil etilgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Borrel YEIning Isroil bilan muloqotini to‘xtatishni taklif qildi
Google'ning Gemini chatboti foydalanuvchiga o‘lim tiladi
