![Komil Allamjonov va Saida Mirziyoyeva Jenevada Mishel Bachelet bilan uchrashdi](/uploads/posts/2022-04/lm24ggvtiy1gf8cu-7aejs8upw1hbj-j.jpg)
Foto: Saida Mirziyoyeva / Telegram
Mass-media fondi rahbarlari Shveysariyada BMTning inson huquqlari bo‘yicha Oliy komissari bilan uchrashuv o‘tkazdi. Unda O‘zbekistondagi so‘z erkinligining “kechagi ahvoli, bugungi holati va ertangi kuni qanday bo‘lishi kerakligi” muhokama qilingan; “xorijning turli agressiv targ‘ibotlaridan himoyalanish” bo‘yicha hamkorlikka kelishib olingan. Shuningdek, uchrashuvda ayollar huquqlari masalasi ham ko‘tarilgan.
Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov va uning o‘rinbosari Saida Mirziyoyeva Shveysariyaning Jeneva shahrida BMTning inson huquqlari bo‘yicha Oliy komissari Mishel Bachelet bilan uchrashdi.
Komil Allamjonov o‘z Telegram-kanalida ma’lum qilishicha, uchrashuvda so‘z erkinligi va milliy matbuot rivoji haqida so‘z borgan.
“Uchrashuvda O‘zbekistonda so‘z va matbuot erkinligining kechagi ahvoli, bugungi holati va ertangi kuni qanday bo‘lishi kerakligi haqidagi mulohazalarimni bildirdim. Yillar davomida yopiq bo‘lgan matbuot Prezident Shavkat Mirziyoyevning siyosiy irodasi tufayli bugun ochilgani, bu yo‘lda qiyinchilik va muammolar hamon mavjud bo‘lsa-da, tanlangan yo‘l qat’iy ekanini yetkazdik.
Muloqotda o‘zbek matbuotining rivoji, uning erkin faoliyat ko‘rsatishi, eng muhimi – xorijning turli agressiv va zo‘ravonlikka asoslangan targ‘ibotlaridan himoyalanish uchun BMTning inson huquqlari bo‘yicha ofisi bilan yaqin hamkorlik muhim ekani ta’kidlandi va bu borada kelishuvga erishildi”, – dedi Allamjonov.
![](/uploads/posts/2022-04/lpeejltygubetjptnjag_isvbl8zuvgm.jpg)
Foto: Komil Allamjonov / Telegram
![](/uploads/posts/2022-04/h37e4j9lxwwrzewgjxezodvf_yb7nder.jpg)
Foto: Saida Mirziyoyeva / Telegram
O‘z navbatida, Saida Mirziyoyeva uchrashuvda ayollar huquqlari masalasi ham muhokama qilinganini ma’lum qildi.
“Fondimiz mamlakatimizda ayollarni kamsitish holatlarini bartaraf etishga imkon qadar hissa qo‘shmoqda. Gender tengligi himoyasi esa milliy siyosat darajasiga ko‘tarilgan.
Umid qilamanki, ko‘zlagan ishlarimizni uddalaymiz. Biz oldinga yuryapmiz, hamkorlik ko‘priklarini o‘rnatyapmiz, sa’y-harakatlarimizni jahon miqyosida namoyish etyapmiz.
Bachelet xonimni katta mamnuniyat bilan O‘zbekistonga taklif qildim. Ko‘rsatishga, gapirib berishga arziydigan taraflarimiz ko‘p. Eng muhimi, maqsadga erishishga tayyorligimizni namoyish eta olamiz”, – deya yozdi Mirziyoyeva Telegram-kanalida.
![](/uploads/posts/2022-04/bkf6nxsr08lovxue-typ0nczfblvebwf.jpg)
Foto: Saida Mirziyoyeva / Telegram
![](/uploads/posts/2022-04/gh4wu9cq3176vard-u3ww1yqbtobmaab.jpg)
Foto: Saida Mirziyoyeva / Telegram
Komil Allamjonov1, Saida Mirziyoyeva1, Oliy komissar1, Mishel Bachelet1 “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Zelenskiy Putin bilan muzokaralar o‘tkazish ssenariysini oshkor qildi расм](/uploads/posts/2024-06/xae20cf4f55_photo_2024-06-30_23-00-20-x2tnnwai.webp.pagespeed.ic.trFqvyjuDA.webp)
Zelenskiy Putin bilan muzokaralar o‘tkazish ssenariysini oshkor qildi
![Eron Isroilni “qirg‘in urushi” boshlanishidan ogohlantirdi расм](/uploads/posts/2024-06/x0c77a966a8_photo_2024-06-30_17-15-45-mniljc1m.webp.pagespeed.ic.yveIsIGDiP.webp)
Eron Isroilni “qirg‘in urushi” boshlanishidan ogohlantirdi
![Serbiyada terrorizm tahdidi sababli xavfning “qizil” darajasi e’lon qilindi расм](/uploads/posts/2024-06/xda1e711ee8_serb12-0jzdp2rm.webp.pagespeed.ic.8AM-0MJgwb.webp)
Serbiyada terrorizm tahdidi sababli xavfning “qizil” darajasi e’lon qilindi
![Nima uchun O‘zbekistonda YouTube monetizatsiyasiga cheklov qo‘yilgan bo‘lishi mumkin? расм](/uploads/posts/2024-06/x56ac85bfee_screenshot_1-nfhpzswx.webp.pagespeed.ic.pR5sAwU9Sp.webp)
Nima uchun O‘zbekistonda YouTube monetizatsiyasiga cheklov qo‘yilgan bo‘lishi mumkin?
!["Metallurg"ning ispaniyalik sobiq ustozi yana yurtimizga qaytdi расм](/uploads/posts/2024-06/xd5084bccac_images.webp.pagespeed.ic.i9JaMYQ6L1.webp)
"Metallurg"ning ispaniyalik sobiq ustozi yana yurtimizga qaytdi
![Superliga. “Nasaf” “Navbahor”ni taslim etdi, “Olimpik” “Metallurg” ustidan g‘alaba qozondi расм](/uploads/posts/2024-06/xf4aeffc2f8_01.webp.pagespeed.ic.IF5nR4ybn3.webp)
Superliga. “Nasaf” “Navbahor”ni taslim etdi, “Olimpik” “Metallurg” ustidan g‘alaba qozondi
!["Navbahor" Babayan bilan shartnoma bekor qilinganini e’lon qildi расм](/uploads/posts/2024-06/x7a189ed7ab_babayan-800x489.webp.pagespeed.ic.6YSrkqzdN8.webp)
"Navbahor" Babayan bilan shartnoma bekor qilinganini e’lon qildi
![Film so‘ngigacha nima bo‘lishini taxmin qilishingizga yo‘l qo‘ymaydigan 10 ta koreys trilleri расм](/uploads/posts/2024-07/x271544be75_orig-zfu35-0i-lwoqn-21.webp.pagespeed.ic.5Q16YbBL1x.webp)
Film so‘ngigacha nima bo‘lishini taxmin qilishingizga yo‘l qo‘ymaydigan 10 ta koreys trilleri