Ertaga, 15 may kuni O‘zbekiston hududining ayrim viloyatlarida havo harorati keskin ko‘tarilib, 37 darajagacha isishi kutilmoqda. Bu haqda O‘zgidromet tomonidan e’lon qilingan ob-havo prognozida ma’lum qilindi.
Toshkent shahrida ob-havo asosan o‘zgaruvchan bo‘lib, yog‘ingarchilik kuzatilmaydi. Shamol sharqiy yo‘nalishda 3–8 m/s tezlikda esadi. Poytaxtda kechasi harorat 16–18 daraja atrofida bo‘lsa, kunduzgi paytda 32–34 darajagacha ko‘tarilishi prognoz qilinmoqda.
Qoraqalpog‘iston Respublikasi, Xorazm viloyatida havo o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 m/s tezlikda esadi, ba’zi joylarda 13-18 m/s gacha, ba’zida 20-22 m/s gacha kuchayishi, ayrim joylarda chang-to‘zonlar bilan kuzatilishi mumkin. Harorat kechasi 15-20 daraja, kunduzi 30-35 daraja bo‘ladi.
Buxoro va Navoiy viloyatlarida havo o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 m/s tezlikda esadi, ba’zi joylarda 13-18 m/s gacha, ba’zida 20-22 m/s gacha kuchayishi, ayrim joylarda chang-to‘zonlar bilan kuzatilishi mumkin. Harorat kechasi 15-20 daraja, kunduzi 32-37 daraja bo‘ladi.
Toshkent, Sirdaryo, Jizzax, Samarqand viloyatlarida havo o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 m/s tezlikda esadi. Harorat kechasi 15-20 daraja, kunduzi 30-35 daraja bo‘ladi.
Qashqadaryo va Surxondaryo viloyatlarida havo o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 m/s tezlikda esadi. Harorat kechasi 17-22 daraja, kunduzi 32-37 daraja bo‘ladi.
Andijon, Namangan, Farg‘ona viloyatlarida havo o‘zgaruvchan bo‘ladi, yog‘ingarchilik kutilmaydi. Shamol sharqdan 5-10 m/s tezlikda esadi. Harorat kechasi 12-17 daraja, kunduzi 30-35 daraja bo‘ladi.
Respublikaning tog‘li hududlarida havo o‘zgaruvchan bo‘ladi, ayrim joylarda qisqa muddatli yomg‘ir yog‘ishi, momaqaldiroq bo‘lishi mumkin. Shamol sharqdan 7-12 m/s tezlikda esadi, momaqaldiroq paytida 15-20 m/s gacha kuchayishi mumkin. Harorat kechasi 8-13 daraja, kunduzi 20-25 daraja bo‘ladi.
Mutaxassislar bunday issiq kunlarda fuqarolarga ehtiyotkorlik choralarini ko‘rishni, ayniqsa, quyosh ostida uzoq vaqt qolmaslikni tavsiya etmoqda. Jazirama ob-havo kunlari organizmga qo‘shimcha yuk tushirishi mumkinligi sababli suv iste’molini ko‘paytirish ham muhim sanaladi.
Sinoptiklar prognoziga ko‘ra, issiq havo oqimi yaqin kunlarda ham saqlanib qolishi ehtimoli bor.
“Zamin”ni Telegramʻda oʻqing!
