Professional boksning super yarim oʻrta vazn toifasida (69,8 kg) WBA eliminator jangi sifatida Isroil Madrimov va Mishel Soro oʻrtasida revansh buyurilgan edi. Matchroom promouterlik kompaniyasi jangni rasman e'lon qildi. Ushbu bahs 9 iyul kuni Angliyaning London shahridagi "O2" arenasida boʻlib oʻtadi. Asosiy jangda ogʻir vazn vakillari Kubrat Pulev va Derek Chisora oʻzaro revansh jangini oʻtkazadi.
2021 yil dekabr oyida Toshkentda boʻlib oʻtgan toʻqnashuvda gongdan soʻng bir necha zarbalar yoʻllanishi natijasida Madrimovning 9-raunddagi texnik nokautli gʻalabasi tashkilotni qoniqtirmagan va ikkinchi jangga buyruq berilgan edi.
Ushbu jang oldidan bokschilar oʻz fikrlari bilan oʻrtoqlashdilar.
"Men bu jangni yana intizorlik bilan kutyapman. Birinchi jangdan soʻng, men jamoamga darhol agar revansh zarur boʻlsa, men tayyor ekanligimni aytib oʻtgan edim. Men hech qanday savolga oʻrin qoldirishni xohlamayman. Bu safar kim kuchli boʻlsa sharafli va qat'iy gʻalaba qozonishiga qoʻyib bering. Biz yaxshi mashgʻulotlar olib bormoqdamiz va 9 iyul uchun tayyor boʻlamiz", - dedi Madrimov.
Mishel Soro esa ikkinchi jangda magʻlub boʻlishga haqqi yoʻq ekanligini his qilmoqda.
"Madrimov ajoyib jangchi va namunali sportchi, juda hurmatga loyiq inson. Bu jang har ikkalamiz uchun ham muhim, biz jang qilmoqchimiz. Men birinchi jangdagidan koʻra kuchliroq boʻlaman, magʻlub boʻlishga haqqim yoʻq, gʻolib boʻlishim uchun borimni beraman", - dedi Soro.
Ushbu jang gʻolibi hozirda mutlaq chempion boʻlib turgan amerikalik Jermell Charloga (35-1-1, 19KO) majburiy da'vogarga aylanadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
