14:01 / 06.01.2016
5 526

Jahongir Vohidov Angliyadagi shaxmat turniri g‘olibiga aylandi

Jahongir Vohidov Angliyadagi shaxmat turniri g‘olibiga aylandi
Angliyada an’anaviy shaxmat festivali yakunlandi, deya xabar bermoqda “Olamsport.com”. O‘z tarixida 91-marotaba tashkil etilgan Hastings International Chess Congress turnirida o‘zbekistonlik yosh grossmeyster Jahongir Vohidov ham muvaffaqiyatli ishtirok etdi.

Festivalning asosiy turniri Tradewise Hastings Masters bo‘lib, aynan shu musobaqada Jahongir o‘z imkoniyatini sinovdan o‘tkazdi. Samarqandlik grossmeyster ushbu musobaqada beshinchi raqam ostida tasniflangan bo‘lishiga qaramay, yakunda kuchli raqiblarini ortda qoldirib, turnir g‘olibi bo‘ldi.

Jahongir so‘nggi 9-turda qora donalarda turnirning ikkinchi raqamli ishtirokchisi Igor Xenkin bilan durang o‘ynadi. Germaniyalik bu grossmeyster turnirning birinchi tartib raqamli shaxmatchisi edi. Ushbu durang natija Jahongir Vohidovni 7 ochko bilan turnir g‘olibiga aylantirdi.

Shuncha ochko jamg‘argan polshalik Aleksandr Mista qo‘shimcha ko‘rsatkichlarga ko‘ra ikkinchi, litvalik grossmeyster Sarunas Sulskis 6,5 ochko bilan uchinchi o‘rinni egalladi.


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Jahongir Vohidov Angliyadagi shaxmat turniri g‘olibiga aylandi