"Max" milliy messenjerida ochiq va yopiq kanallar soni 7 milliondan oshdi. Bu haqda Ixbt.com xabar beradi.
Tarmoqdagi kanallarning umumiy auditoriyasi 300 million obunachiga yetdi.
Foydalanuvchilar asosan yangiliklar, ta'lim hamda pazandachilikka oid bloglarga qiziqish bildirmoqda.
2026 yil aprel oyi oxiriga kelib, messenjerda 300 mingga yaqin ochiq va 6,7 milliondan ortiq yopiq kanal ro'yxatga olingan.
Aprel oyining so'nggi ikki haftasida foydalanuvchilar har kuni 100 mingdan ortiq yopiq kanal yaratdi.
Messenjerda ochiq kanallar 2025 yil iyul oyida ishga tushirilgan edi.
Yopiq kanallar yaratish imkoniyati esa 2026 yil fevral oyidan barcha foydalanuvchilarga taqdim etildi.
Mart oyida 10 mingdan ortiq obunachiga ega mualliflar o'z kanalini A+ belgisi bilan tasdiqlash imkoniyatiga ega bo'ldi.
Aprel oyi boshida "Max" foydalanuvchilari soni 110 milliondan oshgani qayd etilgan edi.
“Zamin”ni Telegramʻda oʻqing!
