19:46 / 23 марта 2020
1 235

Таниқли кинорежиссёр Нозим Аббосов вафот этди

Таниқли кинорежиссёр Нозим Аббосов вафот этди
21 март куни кинорежиссёр Нозим Аббосов 58 ёшида вафот этди. Ушбу маълумотни Маданият вазирлиги матбуот котиби Мавлуда Асқархўжаева Kun.uz'га тасдиқлади.

Марҳум «Саид ва Саида» «Дилор, Дилор, дил ва ор» ва «Маҳаллада дув-дув гап 2» фильмлари билан томошабинлар қалбидан ўрин олганди. Унинг сценарийси асосида ишланган «Феллини» фильми эса Варшавада ўтган халқаро кинофестивалда мукофотга, 2002 йили Инсбургда ўтган танловда Гран-прига сазовор бўлганди.

Марҳум отаси Шуҳрат Аббосов билан ишлаган «Маҳаллада дув-дув гап 2» ҳамда ёзувчи Саид Аҳмад ҳаётидан ҳикоя қилувчи «Саид ва Саида» картинаси Нозим Аббосов мухлисларини кўпайтирган.

Kun.uz таҳририяти марҳумнинг оила аъзолари ва яқинларига чуқур ҳамдардлик билдиради.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)