Фото: ЎзА
Ўзбекистонда Беларус тракторларини йиғиш йўлга қўйилади. Бу ҳақда «Белта» ахборот агентлигига таяниб ЎзА хабар бермоқда.
Унга кўра, «Минский моторный завод» ОАЖ ҳамда «Planeta Servis» МЧЖ Ўзбекистонда дизел-генераторлари ва компрессор станцияларини йиғишни ташкил этишга қаратилган янги лойиҳа бўйича келишувга эришган. Бу борада Беларус русумли қишлоқ хўжалиги техникасини йиғишни йўлга қўйиш бўйича лицензия шартномалари имзоланган.
Қайд этилишича, келгусида компаниялар Ўзбекистонда қишлоқ хўжалиги тракторларини ишлаб чиқаришни маҳаллийлаштиришни режалаштирмоқда. 2023 йилда Минск мотор заводи Ўзбекистонга трактор экспортини 2022 йилга нисбатан 1,6 баробарга оширган. Ўзбекистонда қуриладиган йиғиш цехи нафақат янги иш ўринлари яратади, балки мамлакатга технологиялар импорт қилинишига ҳам ҳисса қўшади.
Олдинроқ Александр Лукашенконинг Ўзбекистонга расмий ташрифи давомида Ўзбекистон ва Беларус ўртасида 10 дан ортиқ ҳужжатлар имзоланганди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
