Уругвайлик ҳужумчи Эдинсон Кавани «Бока Хуниорс»ни тарк этиши мумкин. Бироқ гап унинг шахсий истагида эмас: футболчининг сўнгги ўйинлари мухлислар кўнглидан чиқмаяпти ва трибуналар тобора кўпроқ норозилик билдирмоқда. Бу ҳақда euro-football.ru хабар беради.
Охирги учрашувда Каванини алмаштиришганида бу ҳолат яна такрорланди — «Матадор» майдонни тарк этар экан, уни қаттиқ ҳуштаклар кузатиб қўйди. Алмаштириш эса жамоага наф бермади: «Бока» «Платенсе» дарвозасини ишғол қила олмади ва баҳс 0:0 ҳисобида якунланди.
Энди Аргентина ОАВ Кавани билан шартномани узайтириш масаласига эҳтиёткорона ёндашмоқда. Устига устак, клуб парагвайлик Адам Барейрони сафга қўшиб олди ва кўпчилик айнан у 39 ёшли ветеран ҳужумчини асосий таркибдан сиқиб чиқаришини кутмоқда.
“Zamin”ни Telegram'да ўқинг!
