«Анталяспор» ҳимоячиси Георгий Джикия нега сўнгги пайтларда майдонда кўринмаётгани бўйича унинг Туркиядаги вакили Малик Арутюнов изоҳ берди. Агентнинг айтишича, россиялик футболчининг ўйин амалиёти камлиги жароҳат сабаб юзага келган. Бу ҳақда euro-football.ru хабар беради.
Арутюновга кўра, Джикия ҳозир тўлиқ тикланган ва жамоанинг янги бош мураббийи ҳам унга таянмоқчи. Агент «Фенербахче»га қарши учрашувда ҳимоячи старт таркибда майдонга тушиши мумкинлигини ҳам таъкидлади.
«Ўйлайманки, Джикия “Фенербахче” билан ўйинда асосий таркибда майдонга тушади. Клубда аллақачон учинчи мураббий, ҳар бирининг ўз қараши бор. Унинг ўйнамагани жароҳат билан боғлиқ эди», — дея Арутюновнинг сўзларини «Чемпионат» нашри келтиради.
2025/2026 йилги мавсумда Джикия Туркия чемпионати ва Кубогида жами 13 та учрашувда қатнашиб, 2 та гол урган.
“Zamin”ни Telegram'да ўқинг!
