ПСЖ юлдузига "Барселона" қизиқмоқда: Флик уни олишни талаб қилмоқда...
"Барселона" клуби Пари Сен-Жерменнинг истеъдодли ёш қанот ҳимоячиси Нуно Мендешга жиддий қизиқиш билдирмоқда. Жамоанинг янги бош мураббийи Ханс-Дитер Флик футболчини харид қилишни шахсан талаб қилган ва уни устувор мақсад сифатида белгилаган. Европанинг энг яхши ёш ҳимоячиларидан бири саналган Мендешнинг трансфер қиймати тахминан 75 миллион еврога баҳоланмоқда. Унинг ПСЖ билан шартномаси 2029 йилгача амалда бўлса-да, бу трансфер ёзги трансфер ойнасининг энг қизғин мавзуларидан бирига айланиши мумкин.
Нуну Мендеш келажаги яна катта трансфер муҳокамалари марказига чиқди. Испания оммавий ахборот воситалари маълумотига кўра, Португалия терма жамоаси ва Пари Сен-Жермен клуби қанот ҳимоячиси Ла Лига грандларидан бирида фаолиятини давом эттириши мумкин.
Хусусан, "Барселона" клуби 23 ёшли футболчини ўз сафига қўшиб олишга жиддий қизиқиш билдирмоқда. Бу трансфер клубнинг келажакдаги ҳимоя чизиғини кучайтириш стратегияси доирасида кўрилмоқда.
Маълумотларга кўра, бу ташаббусни шахсан жамоа бош мураббийи Ханс-Дитер Флик илгари сурган. Германиялик мутахассис клуб раҳбариятига Мендешни харид қилиш бўйича аниқ таклиф билан чиққан ва уни жамоа учун устувор мақсад сифатида белгилаган.
Мендеш ҳозирги кунда Европада энг истеъдодли ёш қанот ҳимоячиларидан бири сифатида баҳоланмоқда. Унинг тезлиги, техникаси ва ҳужумга қўшилиб кетиш қобилияти кўплаб топ-клублар эътиборини тортиб келмоқда.
Transfermarkt экспертлари ҳисоб-китобига кўра, футболчининг бозор қиймати тахминан 75 миллион еврони ташкил этади. Бу эса унинг трансфери жуда катта сармоя талаб қилишини англатади.
Футболчи билан Пари Сен-Жермен ўртасидаги амалдаги шартнома 2029 йил июнь ойи охиригача мўлжалланган. Бу эса ҳар қандай эҳтимолий трансферни янада мураккаблаштиради.
Ҳозирча расмий музокаралар бошлангани тасдиқланмаган бўлса-да, футбол жамоатчилиги бу трансфер ёзги ойнадаги энг қизиқарли сюжетлардан бири бўлиши мумкинлигини таъкидламоқда.
Изоҳлар 0
…