Amerikalik oddiy yoqilg‘i quyish shoxobchasi xodimi o‘z hayotida kutilmagan burilishga duch keldi. Kunlardan bir kun, ish tugagach, u odatdagidek tushumni sanab chiqardi. Chaqalarni ko‘zdan kechirayotganida esa ular orasida bir qiziq tangaga ko‘zi tushdi, deb xabar berdi elcabildo.org.
Bu 50 sentlik tanganing rangi boshqalarga o‘xshamasdi — uning yorug‘ligi, tovlanishi va hatto og‘irligi ham boshqa tangalardan farq qilardi. Stiv Uitmor tangada nimadir borligini darhol payqadi. Hech ikkilanmasdan, u numizmatik buyumlar bilan shug‘ullanuvchi mutaxassislarga murojaat qildi.
Natija esa uni shokka soldi. Tanga oddiy 50 sent emas, balki 1964 yilda chop etilgan, prezident Jon Kennedining profili tushirilgan noyob tanga ekani aniqlandi. Bu tanga o‘sha yili, prezident Kennediga qarshi uyushtirilgan suiqasddan keyin ishlab chiqarilgan dastlabki namunaviy zarbalardan biri bo‘lib chiqdi.
Numizmatlar Uitmor tangasini 3,2 million dollarga baholashdi. Bu hozirgi bozordagi yuksak kumush narxlari va tanganing 90 foiz xolis kumushdan iboratligi bilan ham bog‘liq.
«Birgina chaqa butun biznesimdan qimmatga tushishi aqlimga sig‘mayapti», — deya hayratini yashirmadi Uitmor. Aytish joizki, u yillar davomida shunday oddiy tangalarni ming marta ko‘rgan. Ammo aynan shu tanga hayotini butunlay o‘zgartirishi u uchun orzu ham emasdi.
Tanishlarining aytishicha, Stiv Uitmor o‘sha kunda o‘z tangalarini qop-qop qilib tekshirishni boshlagan. Chunki boshqa shunday noyob tangalardan yana topilishi mumkinligi haqida o‘ylagan. Har holda, boshqa kassada ham tarix yotaverishi ehtimoldan xoli emas.
Bu voqea esa shunchaki omad yoki tasodif emas, balki diqqat va bilishga intilish yutug‘i sifatida talqin qilinmoqda. Chunki million dollar, ba’zan oddiy chaqa ichida ham yashirin bo‘lishi mumkin. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
