Turkiyalik aktrisa Hande Erchel giyohvand moddalarni iste’mol qilmaganini ta’kidladi

Rossiyada ham mashhurlikka ega bo‘lgan turkiyalik aktrisa Hande Erchel giyohvand moddalar ishi doirasida tergov organlariga bergan ko‘rsatmalarida taqiqlangan moddalarni iste’mol qilmaganini ma’lum qildi.

Turk aktrisasi juma kuni Istanbul aeroportiga yetib kelishi bilan qo‘lga olindi va sud jarayonida o‘z ko‘rsatmasini berdi.
Keyin u giyohvand moddalarni aniqlash testi topshirgach, shifoxona va suddan so‘ng ozod qilindi.

Erchel jurnalistlarga shunday dedi: “Men giyohvand moddalarni iste’mol qilmaganman va OAVda yozilayotgan tadbirlarda ishtirok etmaganman”, — deya Evrensel gazetasi xabar beradi.
Aktrisaning so‘zlariga ko‘ra, bu ish yuzasidan tarqalgan mish-mishlar haqiqatga to‘g‘ri kelmaydi va u o‘z aybsizligini ochiqchasiga bildirgan.

Nigina Zarqarayeva

«ZAMIN.UZ» muharriri

+ Zamin.uz saytini Google'ga qo'shing