12:25 / 23.06.2016
7 135

Turkmaniston prezidenti ShHTda ishtirok etish uchun Toshkentga tashrif buyurdi

Turkmaniston prezidenti ShHTda ishtirok etish uchun Toshkentga tashrif buyurdi
Shanxay hamkorlik tashkiloti Davlat rahbarlari kengashining Toshkentda o‘tadigan navbatdagi majlisiga mehmon sifatida taklif etilgan Turkmaniston Prezidenti Gurbanguli Berdimuhamedov 23 iyun kuni O‘zbekistonga tashrif buyurdi. Bu haqda “Kun” nashri xabar bermoqda.

Toshkent xalqaro aeroportida oliy martabali mehmonni O‘zbekiston Respublikasi Bosh vaziri Shavkat Mirziyoyev kutib oldi.

ShHT sammiti O‘zbekiston Respublikasi Prezidenti raisligida o‘tadi. Unda ShHT faoliyatini me’yoriy-huquqiy jihatdan mustahkamlash, tashkilotga a’zo davlatlar o‘rtasida siyosiy, iqtisodiy, madaniy-gumanitar hamkorlik, mintaqaviy xavfsizlik bilan bog‘liq va tomonlarni qiziqtirgan boshqa masalalarni muhokama qilish rejalashtirilgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » Turkmaniston prezidenti ShHTda ishtirok etish uchun Toshkentga tashrif buyurdi