16:22 / 03.06.2016
5 409

OAV: Platini FIFAning yangi sanksiyalari ehtimolidan qo‘rqib Evro–2016 o‘yinlariga borishdan bosh tortdi

OAV: Platini FIFAning yangi sanksiyalari ehtimolidan qo‘rqib Evro–2016 o‘yinlariga borishdan bosh tortdi
Evropa futbol assosiasiyalari ittifoqi (UEFA) prezidenti, fransiyalik Mishel Platini Fransiyada bo‘lib o‘tadigan Evropa chempionati o‘yinlariga tashrif buyurmaydi. Bu haqda "Kun" nashri xabar tarqatmoqda.

Avvalroq Fransiya futbol federasiyasi Mishel Platinini Evropa chempionatiga taklif qilish istagini bildirgan edi.

Manba ma’lumotiga ko‘ra, Platini FIFAning Axloq qo‘mitasi tomonidan qo‘llanishi mumkin bo‘lgan yangi sanksiyalarga tushib qolmaslik uchun Evro–2016ga tashrif buyurmaydi.

U UEFA rahbari lavozimini 14 sentyabr kuni, tashkilotning Afinada bo‘lib o‘tadigan kongressida rasman tark etishini ma’lum qilgan.

Platini 2007 yildan buyon UEFAni boshqarib kelayotgandi.

O‘tgan yili FIFA bilan bog‘liq mojarolar doirasida 2011 yili FIFAning sobiq prezidenti Yozef Blatter Mishel Platiniga 2 mln Shveysariya franki miqdoridagi mablag‘ni noqonuniy ravishda o‘tkazib bergani aniqlandi. 2015 yilning dekabr oyida Blatter va Platini 8 yil muddatga futbol faoliyatidan chetlashtirildi. Keyinchalik, 2016 yilning fevralida Platinining diskvalifikasiyasi muddati 6 yilga qisqartirildi. Platini Lozannadagi (Shveysariya) Sport arbitraj sudi (CAS)ga chetlashtirish muddatini qisqartirish bo‘yicha yana apellyasiya berdi. May oyida uning apellyasiyasi qisman qondirildi – diskvalifikasiya muddati olti yildan to‘rt yilgacha, jarima miqdori 80 mingdan 60 ming evrogacha tushirildi.

Evro–2016 turniri 10 iyundan 10 iyulga qadar bo‘lib o‘tadi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » OAV: Platini FIFAning yangi sanksiyalari ehtimolidan qo‘rqib Evro–2016 o‘yinlariga borishdan bosh tortdi