Eldor Shomurodov yangi jamoasi “Roma” tarkibida to‘liq bo‘lmagan ikkita uchrashuvda qatnashib, jami to‘rtta golda bevosita ishtirok etdi.
“Roma”ning “Betis”ga qarshi uchrashuvida jamoasining birinchi golini urgan hamyurtimiz Rimdagi “Olimpiko” stadionida “Raja Kasablanka”ga qarshi kechgan bahsda ham hisobni ochishga muvaffaq bo‘ldi.
17-daqiqada raqib darvozasini ishg‘ol qilgan o‘zbek futbolchisi ikkinchi bo‘lim boshida Genrix Mxitaryanning gol urishi uchun qulay pozitsiyaga chiqardi.
“Roma”ning 5:0 hisobidagi yirik g‘alabasi bilan yakunlangan o‘rtoqlik o‘yinida qolgan gollarni Janluka Manchini, Karles Peres va Borxa Mayoral kiritdi.
“Roma” muxlislari ushbu uchrashuvdan keyin jamoaning asosiy hujumchisi va to‘purariga aylanib borayotgan Eldor Shomurodovning o‘yini borasida o‘z fikr-mulohazalarini bildirmoqda.
Fabrizio Stura:
O‘zbek hujumisi ajoyib ekan. U “Roma”da to‘liq bo‘lmagan ikkita uchrashuvda qatnashib, to‘rtta golda bevosita ishtirok etdi. Ikki bor o‘zi gol urdi, bitta assistni amalga oshirdi va bir marta uning to‘singa tegib qaytgan zarbasini futbolchimiz darvozaga joyladi. Men Eldor jamoamizga to‘liq moslashib olganidan keyin qanday o‘ynashini tasavvur qilyapman.
Dimitri Prencipe:
Qancha muxlislar Shomurodovning transferiga qarshi bo‘lgani esingizdami? Ular Eldor unga sarflangan pullarga arzimaydi, degandi. Menimcha, biz o‘z o‘yin uslubimizga mos hujumchini endi topdik.
Nick Megalizzi:
“El Uzbeko” – marokashliklarga qarshi o‘yinning eng zo‘r futbolchisi. Gol va assist u maydonda amalga oshirgan ishlarning bir qismi xolos. U bundan tashqari o‘zi va jamoadoshlari uchun bir nechta xavfli vaziyat yaratdi. Juda zo‘r futbolchi!
Graziano Graziosi:
19 avgust kuni mavsumning ilk rasmiy uchrashuvi. Men “Trabzonspor”ga qarshi asosiy tarkibda kim tushishini bilaman. Shomurodov turklar himoyasini yorib tashlaydi.
Federico Tonti:
Men Shomurodov o‘yinimizga uzoq moslashadi, deb qo‘rqqan edim. Lekin u dastlabki uchrashuvdayoq yuqori saviyasini ko‘rsata oldi. Agar u hozirgidek o‘ynasa, vaqti kelib A Seriya to‘purari bo‘lishi mumkin.
Leonardo Musci:
Shomurodovning har bir goli Temmi Abraxamning jamoamizga kelish imkoniyatini pasaytirib yubormoqda. O‘zimizda Eldordek zo‘r hujumchi bor ekan angliyalik futbolchini nima qilamiz?
Alessio Rubiu:
Shomurodov yana bir bor “yuqori” va “pastki qavat”da o‘ynay olishini isbotlab qo‘ydi. Oyoqda gol urdi, bosh bilan golli pas uzatdi. Eldor serqirra hujumchi ekan.
Claudia Quaranta:
Agar Shomurodov shunday o‘ynashda davom etsa, “Roma”da uzoq qolmaydi. U bir yildan keyin “Liverpul” yoki PSJga ketadi! “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH Isroilga puli to‘langan buldozerlarni bermadi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Rossiya Kursk viloyatidagi hududlarini qaytarib olishga 50 ming harbiy to‘pladi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
