FIFA kunlarida Iordaniya poytaxti Ammanda o‘quv-mashg‘ulot yig‘ini tashkil etgan O‘zbekiston millliy jamoasi bugun, 9 oktabrda Malayziyaga qarshi o‘rtoqlik uchrashuvida maydonga tushadi. Srechko Katanes qo‘l ostidagi ikkinchi o‘yinda sloveniyalik bosh murabbiy tarkibda yangi futbolchilarni sinab ko‘rishi kutilmoqda.
Tarkib: Shomurodov keldi, Yaxshiboyev yo‘q
Srechko Katanes Ammandagi yig‘in doirasida Malayziya va Iordaniyaga qarshi o‘yinlar uchun 24 nafar o‘yinchini milliy jamoaga jalb etgan. Ular orasidan Eldor Shomurodov Italiyadan Toshkentga emas, to‘g‘ri Iordaniya poytaxtiga yetib kelgan bo‘lsa, Yaxshiboyev jarohati sababli yig‘inga kela olmadi. Uning o‘rniga esa «Lokomotiv» futbolchisi Azizbek Amonov chaqiruv oldi. Quvonarlisi, avvalgi yig‘inlardan farqli ravishda bu safar milliy jamoa hujum zaxirasi yaxshi sport formasida bo‘lgan forvardlar bilan to‘lgan.
Darvozabonlar: Eldor Suyunov («Paxtakor»), Valijon Rahimov (OKMK), O‘tkir Yusupov («Navbahor»)
Himoyachilar: Farrux Sayfiyev («Paxtakor»), Ibrohimxalil Yo‘ldoshev («Nijniy Novgorod»), Hojiakbar Alijonov («Paxtakor»), Dilshod Saidov («Nasaf»), Islom Qobilov («Lokomotiv»), Rustam Ashurmatov («Gangvon»), Doston Tursunov («Chunsin»), Husniddin Aliqulov («Nasaf»), Abdulla Abdullayev («Bunyodkor»)
Yarimhimoyachilar: Odil Hamrobekov («Paxtakor»), Akmal Mozgovoy («Nasaf»), Otabek Shukurov («Sharja»), Oybek Bozorov («Nasaf»), Doston Hamdamov («Paxtakor»), Aziz G‘aniyev («Shabab al-Ahli»), Jaloliddin Masharipov («An-Nassr»)
Hujumchilar: Shahboz Umarov (BATE), Eldor Shomurodov («Roma»), Igor Sergeyev («Tobol»), Husayn Norchayev («Nasaf»), Azizbek Amonov («Lokomotiv»).
Nega aynan Malayziya tanlandi?
O‘zbekiston milliy jamoasining Malayziya va Iordaniyaga qarshi o‘yini oldidan Srechko Katanes Ammandagi yig‘in, sparring raqiblar va tarkib borasida fikrlarini bildirdi.
«Malayziya va Iordaniya milliy jamoalari hozirgi kungacha O‘FAda bo‘lgan takliflar orasidan raqib sifatida tanlab olindi. Aynan ularga qarshi o‘ynayotganimiz uchun alohida sabab yo‘q. Ularga qarshi o‘ynaymiz, deb talab ham qo‘ymaganmiz. Hozirgi kunda bilamizki, o‘rtoqlik o‘yinlar uchun raqib topish ancha mushkul. Qolaversa, bunday rejalar kamida 6 oy yoki bir yil oldin amalga oshirilishi kerak. O‘zbekistonda ish boshlaganimga ko‘p bo‘lmagani uchun o‘rtoqlik o‘yinlariga raqib tanlash imkoniyati bo‘lgani yo‘q. Shu bois mavjud raqiblar orasidan Malayziya va Iordaniya tanlandi. Ikkita o‘rtoqlik o‘yinlarida barcha futbolchilarga imkonqadar o‘yin amaliyotini berishga intilamiz», - deydi Srechko Katanes.
6 o‘yinda 6 g‘alaba – Malayziya biz uchun qanday raqib?
FIFA reytingida 86-o‘rinda borayotgan O‘zbekiston 153-pog‘onadagi Malayziya milliy jamoasini o‘zaro 6 o‘yinda 6 marotaba mag‘lub etgan. Shu bois ularni eng oson raqib sifatida ko‘rsatsak bo‘ladi. Raqib ustidan qozonilgan eng yirik g‘alaba 1994 yil Rustam Akromov qo‘l ostida Osiyo O‘yinlarida va 2007 yilgi Osiyo kubogida erishilib, o‘shanda Rauf Inileyev murabbiyligidagi vakillarimiz 5:0 hisobida zafar quchishgan. To‘plar nisbati – 21:3, bizning foydamizga.
O‘zaro o‘yinlar:
1994 yil: O‘zbekiston – Malayziya 5:0
1999 yil: O‘zbekiston – Malayziya 3:0
2001 yil: Malayziya – O‘zbekiston 1:2
2001 yil: Malayziya – O‘zbekiston 0:5
2009 yil: O‘zbekiston – Malayziya 3:1
2009 yil: Malayziya – O‘zbekiston 1:3
O‘zbekiston – Malayziya o‘yini jonli efirda namoyish etiladimi?
Ammandagi uchrashuv «Sport» telekanalida namoyish etilishi haqida ma’lumot berilmagan. Shunga qaramay, uchrashuvni O‘zbekiston futbol assotsiatsiyasining Youtube tarmog‘idagi sahifasida jonli efirda tomosha qilish mumkin bo‘ladi. O‘FA matbuot xizmati uchrashuv internet orqali translyatsiya qilinishini ma’lum qilgan.
Anons. 9 oktabr (shanba)
Xalqaro o‘rtoqlik uchrashuvi.
O‘zbekiston – Malayziya
O‘yin boshlanish vaqti: 20:00
Translyatsiya: O‘FA yutub kanali. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
D vitamini dozasini oshirib yuborishning xavfli oqibatlari
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Jizzaxda uchta yuk mashinasi ishtirokida YTH sodir bo‘ldi
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
“Roma” Shomurodov uchun yana 8 million yevro xarajat qiladi!
Surxondaryo viloyatida ayiq IIB xodimiga jarohat yetkazdi
Ukraina prezidenti mahbuslarni safarbar qilish to‘g‘risidagi qonunni imzoladi
Pnevmatik qurollarni o‘z ixtiyori bilan topshirganlar javobgarlikdan ozod etiladi
