23:53 / 12.08.2020
3 241

Ўзбекистонда 15 августдан 30 кишилик тўйларни ўтказишга яна рухсат берилади

Ўзбекистонда 15 августдан 30 кишилик тўйларни ўтказишга яна рухсат берилади
Шавкат Мирзиёев 12 август, чоршанба куни бўлиб ўтган видеоселектор йиғилишида карантинни босқичма-босқич юмшатиш зарурлигини, аҳолининг ўзи шуни илтимос қилаётганини таъкидлади, дея хабар бермоқда Президент матбуот хизмати.

Шуни ҳисобга олиб, Президент 15 августдан бошлаб фуқароларга ўз уйида 30 кишилик оилавий тантана, тўй ва бошқа маросимларни ўтказишга рухсат бериш лозимлигини таъкидлаб ўтди.

Эслатиб ўтамиз, Ўзбекистонда 10 июлдан карантин талаблари кучайтирилган, ушбу даврда, жумладан, оилавий тантана, тўй ва бошқа маросимларни ўтказиш тақиқланган эди.

Аввалроқ Президент Шавкат Мирзиёев 15 августдан автомобилларнинг кун давомида ҳаракатланишига, 17 августдан вилоятлараро қатновларга рухсат бериш кераклигини таъкидлагани ҳақида хабар берилган эди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Ўзбекистонда 15 августдан 30 кишилик тўйларни ўтказишга яна рухсат берилади