АҚШ Украинага ҳарбий ёрдамни тўхтатишини эълон қилди

^{Фото: “ТАСС”}
АҚШ Украинага ҳарбий ёрдамни тўхтатишга қарор қилди. Бу ҳақда Оқ уй матбуот котиби Каролин Левитт маълум қилди. Унинг сўзларига кўра, Вашингтон ҳозирдан бошлаб Украинага молиявий ва ҳарбий ёрдам ажратишни тўхтатади ва тинчлик музокараларига устувор аҳамият қаратади.

"Биз энди АҚШдан узоқдаги мамлакатда уруш давом этиши учун чек-чексиз молиявий ресурслар ажратиб беришга тайёр эмасмиз. Ҳозир энг муҳим масала – тинчлик учун ҳақиқий ва мустаҳкам асос яратиш," – деди Левитт.

Зеленский ва Трамп учрашуви: кескин баҳслар

28 февраль куни АҚШ президенти Дональд Трамп Оқ уйда Украина раҳбари Владимир Зеленский билан учрашди. Манбаларга кўра, Овал кабинетдаги музокаралар асабий муҳитда кечган.

Учрашув давомида Зеленский Киев ўт очишни тўхтатишга тайёр эмаслигини ва АҚШдан хавфсизлик кафолатларини талаб қилаётганини таъкидлади.

Трамп эса бу талабларга кескин жавоб қайтариб, "Америка ўзини қандай тутиши бўйича Киевдан кўрсатмалар олишга муҳтож эмас," деб таъкидлади. Шунингдек, у Украина тинчлик йўлида муросаларга бориши лозимлигини қайд этди ва агар Киев келишувдан бош тортса, Вашингтон бундай жараёнда иштирок этмаслигини маълум қилди.

Ушбу воқеа АҚШнинг Украинага нисбатан сиёсатини кескин ўзгартиришининг яна бир исботи бўлиб, келгусида Вашингтоннинг Киев билан муносабатлари қандай йўналиш олишини вақт кўрсатади. “Замин” янгиликларини “Telegram”да кузатиб боринг