Аргентиналик қанот ҳужумчиси Анхел Ди Мария ўз ватани Аргентинага қайтди ва энди «Росарио Сентрал» жамоаси шарафини ҳимоя қилади, деб Euro-football.ru хабар берди.
37 ёшли футболчи июн ойи охиригача Португалиянинг «Бенфика» клубида тўп сурган, аммо шартнома муддати тугагач, эркин агент сифатида жамоани тарк этди. Ди Мария ижтимоий тармоқларда ёзишича, у ўз фаолиятининг Европадаги босқичини якунлаб, ватанига қайтмоқда.
У ҳозиргача ўн саккиз йил мобайнида гўзал шаҳарларда яшаб, ажойиб клубларда ўйнаганини таъкидлади. Бу даврда кўп қийинчиликлар ва муваффақиятсизликларни бошдан кечирган, аммо улар уни бугунги кучли футболчига айлантирган.
Ҳар бир клубга миннатдорлик билдирган: «Бенфика», «Реал» Мадрид, «Манчестер Юнайтед», «ПСЖ» ва «Ювентус» унга шахсий ва профессионал жиҳатдан ўсишда ёрдам берган. Ҳар бир жамоада ажойиб инсонлар ва дўстлик ришталари вужудга келганини эслаб, уларни ҳеч қачон унутмаслигини айтган.
Ди Мария сўнгги «Бенфика»даги ўйинида гол урган бўлса-да, жамоаси «Челси»га 1:4 ҳисобида мағлуб бўлишдан қутула олмаган. Шундай қилиб, у ўз фаолиятини ватанида давом эттиришга қарор қилди.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
