Эрлинг Ҳоланд 12 ўйинда кетма-кет гол уриб Роналду рекордини такрорлади

Манчестер Сити ҳужумчиси Эрлинг Ҳоланд гол уриш сериясини давом эттирмоқда.

Euro-football.ru ёзишича, норвегиялик футболчи учинчи тур доирасида ўтказилган учрашувнинг 17-дақиқасида рақиб дарвозасини ишғол қилди. 25 ёшли Ҳоланд барча мусобақаларда кетма-кет 12-ўйинда гол уришга муваффақ бўлди.

Бу натижа Криштиану Роналду фаолиятидаги рекорд кўрсаткични такрорлади. Лионел Месси эса ўз вақтида 21 та ўйинда кетма-кет гол урган ва бу борада ҳали ҳам етакчилик қилади.

Кетма-кет 12 та ўйинда Ҳоланд жами 22 та гол ва 3 та голли узатмага муаллифлик қилган. Шу тариқа, у Европа футболидаги энг яхши натижалардан бирини кўрсатмоқда.

Эрлинг Ҳоланд сўнгги йилларда Манчестер Сити таркибида юқори натижаларга эришмоқда. Мутахассислар унинг гол уриш борасидаги сериясини давом эттириши мумкинлигини тахмин қилмоқда.

Sardor Ergashev

«ZAMIN.UZ» муҳаррири