Лионел Месси учун 400 миллион евролик таклиф: Барселона собиқ президенти сирни очди

Барселона клубининг собиқ президенти Хосеп Мариа Бартомеу Неймар Пари Сен-Жермен сафига ўтиб кетганидан сўнг, Лионел Месси билан боғлиқ жиддий хавф юзага келганини маълум қилди. Унинг сўзларига кўра, номаълум бир клуб аргентиналик футболчининг шартномасида кўрсатилган 400 миллион евролик товон пулини тўлаб, уни ўз сафига қўшиб олмоқчи бўлган. Бу ҳақда Гоал.ком хабар беради.

Кадена SEР нашрига берган интервюсида Бартомеу ўша даврда клуб раҳбарияти катта босим остида қолганини еслади. Неймар трансферидан кейин юзага келган вазиятда, Европанинг йирик клубларидан бири Мессини олиб кетиш учун Яқин Шарқдан молиявий ёрдам олгани айтилмоқда.

Кўпчилик бу трансфер ортида Манчестер Сити турган деб тахмин қилган бўлса-да, Бартомеу буни рад етди. Собиқ президент ушбу таклифни қилган клуб Манчестер Сити емаслигини таъкидлаб, маблағлар Европадаги ҳисоб рақамларига ўтказилганини қўшимча қилди.

Бартомеу клуб номини очиқлашни истамади, аммо бу ҳолат ўша даврда футбол оламида катта шов-шувга сабаб бўлиши мумкин еди. Ушбу воқеа Барселона тарихидаги енг мураккаб даврлардан бири сифатида ёдда қолган.