Rossiyaning Su-25 hujumchi samolyotlari Donetsk yo‘nalishida Ukraina Qurolli kuchlarining punktlariga zarba berdi. Samolyotning jangovar harakati aks etgan video Rossiya Mudofaa vazirligi matbuot xizmati tomonidan e’lon qilindi, deb yozmoqda RIA Novosti.
“Su-25 samolyotidagi hujumchi aviatsiya ekipajlari Donetsk yo‘nalishida dushman punktlari va ishchi kuchiga boshqarilmaydigan raketalar bilan hujum uyushtirdi”, — deyiladi xabarda.
Samolyot qurollaridan foydalangandan so‘ng ekipajlar raketaga qarshi manyovrni amalga oshirgan.
"Biz kuchli nuqtani va dushman shaxsiy tarkibini yo‘q qilish bo‘yicha jangovar topshiriq oldik. Biz oldinga o‘tdik, mo‘ljal olgan hududga kirdik, nishonlarni a’lo darajada urdik", — dedi uchuvchi.
Natijada dushmanning niqoblangan mustahkamlangan dala pozitsiyalari va tirik kuchi yo‘q qilindi.
“Zamin” yangiliklarini “Telegram”da kuzatib boring
