AQSH G‘azodagi tinchlik uchun Saudiya Arabistonini aviabombalar bilan ta’minlaydi

^{Foto: AP}
Qo‘shma Shtatlar Falastinning HAMAS va Isroil o‘rtasida G‘azoda o‘t ochishni to‘xtatish bo‘yicha tinchlik muzokaralarida vositachilik qilish uchun Saudiya Arabistoniga 10 mingdan ortiq havo bombalarini yetkazib beradi, deb yozadi The Wall Street Journal.

Dastlab, prezident Jo Bayden ma’muriyati ilgari kiritilgan barcha cheklovlarni bekor qiladi.

“Ta’minot 3000 ta kichik diametrli bomba va 7500 ta Paveway IV bombalarini o‘z ichiga oladi. Ularni yetkazib berishni prezident Bayden 2021 yilda Saudiya Arabistonining Yamandagi og‘ir urushi sababli to‘xtatib qo‘ygandi”, deyiladi xabarda.

Nashrning qayd etishicha, AQSH ma’muriyati Saudiya Arabistoni va Isroil o‘rtasidagi ziddiyatni Yaqin Sharq mojarosini hal qilishda saudiyaliklardan diplomatik yordam olish orqali yumshatishga harakat qilmoqda.

Avvalroq Falastinning HAMAS harakatiga tayinlangan yangi rahbar Yahyo Sinvar Misr va Qatar vositachilari orqali Isroilga sulhga erishmoqchi ekani haqidagi xabarni yetkazgan edi.

CNN'ning hukumatdagi ikki manbaga tayangan holda bergan xabariga ko‘ra, Netanyaxu hukmron koalitsiya uchun qanday oqibatlarga olib kelishidan qat’i nazar, kelishuvga tayyor. Biroq Isroilning bir qator xavfsizlik agentliklari bosh vazirning koalitsiyadagi ayrim o‘ta o‘ng vazirlarning kelishmovchiligini inobatga olib, uning tayyorligiga shubha bilan qaramoqda. “Zamin” yangiliklarini “Telegram”da kuzatib boring