Foto: Telegram/sprava_by
Belaruslik siyosiy mahbus Mariya Kolesnikova otasi bilan uchrashdi — 2023 yil fevraldan beri u bilan aloqa yo‘q edi. Uchrashuv suratini Telegram'dagi Nexta kanalining sobiq bosh muharriri Roman Protasevich e’lon qildi.
Suratda Kolesnikova otasini quchoqlab, tabassum qilayotganini ko‘rish mumkin.
Protasevichning postdan kelib chiqadiki, uchrashuv 12 noyabr kuni bo‘lib o‘tgan. Boshqa tafsilotlar, jumladan, uchrashuv qayerda bo‘lib o‘tganiga oydinlik kiritilmagan.
«Nasha Niva» nashrining ma’lum qilishicha, Koleskinovaning otasi bilan uchrashuvi qamoqxona kasalxonasida bo‘lib o‘tgan. Bu haqda jurnalistlarga sobiq siyosiy mahbuslar xabar bergan — ular surat orqali ushbu joyni tanigan.
Kolesnikova qamalganidan mazkur uchrashuvga qadar otasi uni faqat bir marotaba ko‘rishga muvaffaq bo‘lgan — 2022 yil oxirida qamoqxona kasalxonasida. Oxirgi marotaba Kolesnikovalar oilasi uning nomidan 2023 yil fevralda maktub olgan. Shundan keyin siyosiy mahbus haqida u bilan bitta koloniyada bo‘lgan va ozodlikka chiqanlar orqali boxabar bo‘lib turilgan.
Mariya Kolesnikova 2020 yilgi Belarus prezidentligi saylovlarida muxolifatning eng yorqin vakillaridan biri edi. U o‘sha yilning sentyabrida qo‘lga olingan. Bundan oldin Kolesnikovani Belarusdan kuch bilan olib chiqishga urinishgan edi, ammo ayol chegarada o‘z pasportini yirtib tashlagan. Kud Kolesnikovani «hokimiyatni egallash»ga urinish ishida aybdor deb topib, 11 yilga ozodlikdan mahrum etgan.
Oktyabr oyida Belarus rahbari Aleksandr Lukashenko siyosiy mahbuslar, jumladan, Mariya Kolesnikovaning afv etish haqidagi iltimoslarini ko‘rib chiqishga tayyor ekanini ma’lum qilgandi. «Bizda qonun bor: kishi o‘z aybini anglab, (ko‘plab boshqa mamlakatlarda bo‘lgani kabi) kechirim so‘rab, prezidentga murojaat qilsa, buni ko‘rib chiqamiz. Kolesnikova bilan ham shunday», — degan edi Lukashenko. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Rossiya Kursk viloyatidagi hududlarini qaytarib olishga 50 ming harbiy to‘pladi
Trampning o‘g‘li Zelenskiy yaqin orada «nafaqadan» mahrum bo‘lishini yozdi
AQSH Isroilga puli to‘langan buldozerlarni bermadi
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Tramp Putinga qo‘ng‘iroq qilib, Ukrainadagi urushni muhokama qildi
