Toshkentda qarz sababli narkotik sotgan yigit qo‘lga olindi

Toshkentda katta qarz tufayli narkotik tarqatgan yigit qo‘lga olindi, deb Nova24.uz xabar berdi. 25 yoshli fuqaro totalizatorda 100–150 ming dollar yutqazib, qarzini qoplash uchun narkotik moddalar sotishga majbur bo‘lgan. "Xavfsiz va sog‘lom mamlakat" reydlari davomida uni huquqni muhofaza qiluvchi organlar qo‘lga oldi. Tekshiruv vaqtida undan qora izolyatsiya lentasiga o‘ralgan 6 dona oq kukunli moddalar topildi.

Yigit qariyb yarim yil davomida uyiga qaytolmaganini va narkotik savdosidan ikki kunda atigi 95 dollar ishlab topganini aytdi. Shuningdek, u narkotik moddalarni tarqatish yoki odamlar tomonidan iste'mol qilinishiga qarshi ekanligini bildirgan. Hozirda ehtiyot chorasini qo‘llash maqsadida yigit hibsda saqlanmoqda va tergov harakatlari olib borilmoqda. “Zamin”ni Telegramʻda oʻqing!