Fevralning so‘nggi kuni O‘zbekiston bo‘ylab ob-havo o‘zgaruvchan tus oladi. Ayrim hududlarda bahor nafasi sezilsa, ba’zi joylarda shamol va salqinlik ustunlik qiladi. Sinoptiklar 28 fevral uchun hududlar kesimida prognozni ma’lum qildi.
Toshkent shahri
Poytaxtda havo o‘zgaruvchan bo‘ladi. Kunduzi 19–22 daraja iliq, kechasi 7–10 daraja atrofida. Yog‘ingarchilik kutilmaydi, ammo kechqurun bulutlar zichlashishi mumkin. Shamol 5–10 m/s, ayrim payt 12–14 m/s gacha kuchayishi ehtimoli bor.
Toshkent viloyati
Kunduzi 18–21 daraja, kechasi 6–9 daraja. Ayrim tumanlarda qisqa muddatli yomg‘ir ehtimoli bor. Tuman tushishi mumkin.
Samarqand, Jizzax, Sirdaryo
Bu hududlarda kunduzi 17–21 daraja iliq, kechasi 5–9 daraja. Ob-havo asosan quruq bo‘ladi. Shamol 7–12 m/s gacha.
Buxoro va Navoiy
Kunduzi 16–20 daraja iliq, kechasi 4–8 daraja. Ayrim joylarda shamol 10–15 m/s gacha kuchayishi mumkin. Cho‘l hududlarida chang-to‘zon ehtimoli bor.
Qoraqalpog‘iston Respublikasi
Havo nisbatan salqin. Kunduzi 8–13 daraja iliq, kechasi 0–4 daraja. Ayrim joylarda yomg‘ir, ba’zi hududlarda qor aralash yog‘ishi mumkin. Shamol 9–14 m/s.
Xorazm viloyati
Kunduzi 10–14 daraja, kechasi 2–6 daraja. Bulutli ob-havo saqlanadi. Yomg‘ir ehtimoli bor.
Qashqadaryo va Surxondaryo
Janubiy hududlarda eng iliq ob-havo kuzatiladi. Kunduzi 22–26 daraja, kechasi 8–12 daraja. Asosan quruq va quyoshli bo‘ladi.
Andijon, Namangan, Farg‘ona
Farg‘ona vodiysida kunduzi 18–22 daraja iliq, kechasi 6–10 daraja. Yog‘ingarchilik kutilmaydi, ayrim joylarda tuman tushishi mumkin.
Tog‘oldi va tog‘li hududlar
Bu yerda yomg‘ir va qor aralash yog‘ishi mumkin. Kunduzi 7–12 daraja iliq, kechasi 0–5 daraja. Qor ko‘chishi xavfi saqlanadi.
“Zamin”ni Telegramʻda oʻqing!
