Andijonda zilzila: qaysi tumanlarda yer qimirlashi kuchliroq sezildi?

Bugun, 9 avgust kuni Andijon viloyatida zilzila qayd etildi. Bu haqda Seysmoprognostik monitoring Respublika markazi rasman ma’lum qildi.

Markaz ma’lumotiga ko‘ra, yer qimirlashi soat 08:33 da sodir bo‘lgan. Zilzilaning epitsentri Toshkent shahridan 276 kilometr janubi-sharqda joylashgan bo‘lib, magnitudasi 3, o‘chog‘ining chuqurligi esa 10 kilometrni tashkil etgan.

Mutaxassislar qayd etishicha, zilzilaning koordinatalari 40,57° shimoliy kenglik va 72,37° sharqiy uzunlik nuqtalariga to‘g‘ri keladi.

O‘zbekiston hududida yer qimirlashi quyidagi tumanlarda sezildi:

• Marhamat tumani — 2–3 ball (8 km);

• Buloqboshi tumani — 2–3 ball (10 km);

• Asaka tumani — 2 ball (17 km);

• Xo‘jaobod tumani — 2 ball (22 km).

Hozircha zilzila oqibatida jabrlanganlar yoki vayronagarchiliklar haqida rasmiy ma’lumot berilmagan.