“O‘zgidromet” maʼlumotlariga ko‘ra, aprel oyi davomida mamlakatda bahoriy ob‑havo beqaror bo‘lishi kutiladi. Oyning dastlabki kunlarida ayrim hududlarda qisqa muddatli yomg‘irlar va momaqaldiroqli ob‑havo kuzatiladi, baʼzi manzillarda esa quruq va ravshan havo saqlanadi.
Harorat ko‘rsatkichlari bo‘yicha kechalari +12...+17 darajadan +7...+12 darajagacha, kunduz kunlari esa +27...+32 darajadan +15...+20 darajagacha o‘zgarib turadi. Eng issiq kunlarda termometr ko‘rsatkichi +28...+33 darajagacha ko‘tarilishi mumkin.
Aprel oyining birinchi o‘n kunligida hududlarda qisqa yomg‘irli kunlar kuzatiladi. Toshkent viloyati va Farg‘ona vodiysida 1–3 aprel kunlari ob‑havo asosan quruq bo‘lishi taxmin qilinmoqda. Ikkinchi va uchinchi o‘n kunliklarda ham bir necha kun yomg‘irli bo‘lishi mumkin, har bir o‘n kunlikda o‘rtacha 1–3 kun yog‘ingarchilik kutilmoqda.
Bundan tashqari, aprel oyi davomida issiq kunlar qisqa muddatli sovuqlik bilan almashib turishi ehtimoli bor. Ayrim kunlari tungi harorat pasayib, sovuqlik kuzatilishi mumkin. Mavjud maʼlumotlarga ko‘ra, 2022 yil aprel oyi eng iliq, 2009 yil aprel esa eng sovuq aprel sifatida qayd etilgan.
“Zamin”ni Telegramʻda oʻqing!
