O‘zbekistonda bu yil Qurbon hayiti 27 may — chorshanba kuniga to‘g‘ri kelishi munosabati bilan fuqarolar uchun uzluksiz dam olish kunlari e’lon qilindi. Prezident farmoniga ko‘ra, 28—29 may kunlari barcha uchun qo‘shimcha dam olish kuni etib belgilangan.
Shuningdek, 6 kunlik ish rejimida ishlovchilar uchun 30 may ham dam olish kuni sifatida qo‘shilgan. Natijada 31 may — yakshanba kuni bilan birgalikda aholining barcha qatlamlari ketma-ket 5 kunlik dam olish imkoniga ega bo‘ladi.
Dam olish kunlari quyidagicha taqsimlanadi:
- 27 may — chorshanba (Qurbon hayiti),
- 28 may — payshanba (qo‘shimcha dam olish kuni),
- 29 may — juma (qo‘shimcha dam olish kuni),
- 30 may — shanba (6 kun ishlovchilar uchun qo‘shimcha dam olish kuni),
- 31 may — yakshanba (odatdagi dam olish kuni).
Aytish mumkinki, aholiga 5 kunlik uzluksiz hordiq imkonini beradi. Haftada 5 kun ishlovchilar jami 14 kun, 6 kun ishlovchilar esa 10 kun dam oladi. Ta’kidlanishicha, bu oy so'nggi yillardagi eng ko'p dam olish kunlaridan iborat bo'lgan oy hisoblanadi.
“Zamin”ni Telegramʻda oʻqing!
