Toshkent shahrida havo o‘zgaruvchan bo‘ladi. Kunning ikkinchi qismida qisqa muddatli yog‘ingarchilik va momaqaldiroq ehtimoli bor. Shamol sharq tomondan 3-8 metr/sekund tezlikda esadi, ba’zi paytlarda 10-12 metr/sekundgacha kuchayishi mumkin. Harorat kechasi 17-19, kunduzi esa 30-32 daraja atrofida bo‘ladi.
Qoraqalpog‘iston Respublikasi hamda Xorazm viloyatida ham ayrim hududlarda yomg‘ir yog‘ishi kutilmoqda. Shamol tezligi ba’zi joylarda 13-18 metr/sekundgacha yetib, chang-to‘zon bilan kuzatilishi mumkin. Kunduzi havo harorati 29-34 darajagacha ko‘tariladi.
Buxoro va Navoiy viloyatlarida ham havo o‘zgaruvchan tus oladi. Qisqa muddatli yomg‘ir va chaqmoqli ob-havo prognoz qilingan. Shamolning kuchayishi ayrim hududlarda noqulaylik tug‘dirishi mumkin.
Toshkent, Sirdaryo, Jizzax va Samarqand viloyatlarida ham yog‘ingarchilik bo‘lishi ehtimoli yuqori. Shamol tezligi ba’zi hududlarda 18 metr/sekundgacha kuchayadi. Havo harorati kunduzi 27-32 daraja oralig‘ida saqlanib turadi.
Qashqadaryo va Surxondaryo viloyatlarida esa havo nisbatan issiq bo‘ladi. Ayrim joylarda harorat 38 darajagacha ko‘tarilishi mumkin. Shu bilan birga, momaqaldiroqli yomg‘ir va kuchli shamol ham kuzatilishi kutilmoqda.
Farg‘ona vodiysi — Andijon, Namangan va Farg‘ona viloyatlarida ham qisqa muddatli yomg‘irlar bo‘lishi mumkin. Shamol tezligi ba’zi hududlarda kuchayishi aytilmoqda.
Tog‘oldi va tog‘li hududlarda vaziyat yanada jiddiyroq bo‘lishi mumkin. Vaqti-vaqti bilan kuchli yomg‘ir yog‘ishi, sel-suv toshqinlari yuzaga kelishi ehtimoli bor. Mutaxassislar ehtiyotkor bo‘lishga chaqirmoqda.
Ma’lum qilinishicha, O‘zbekistonning to‘qqizta viloyatida 22 maygacha sel xavfi e’lon qilingan. Eslatib o‘tamiz, 18 may kuni ayrim hududlarda kuchli shamol va yomg‘ir kuzatildi. Jizzax viloyatining Zomin tumanida hatto mayda do‘l yog‘gani qayd etilgan.
“Zamin”ni Telegramʻda oʻqing! 
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
