Bundesliganing 19-turida «Shtutgart» safarda Menxengladbaxning «Borussiya» jamoasiga qarshi uchrashuvni ishonchli o‘tkazib, 3:0 hisobida g‘alaba qozondi. Bu haqda euro-football.ru xabar beradi.
O‘yin 11-daqiqada keskin vaziyat bilan boshlandi: Jeymi Leveling o‘z jarima maydonida to‘pga qo‘l tekkizib qo‘ydi va hakam penalti belgiladi. Haris Tabakovich 11 metrdan zarba berdi, biroq darvozabon uni qaytardi.
Shunga qaramay, 30-daqiqada «Shtutgart» tezkor hujumni gol bilan yakunladi. Jozef Skallining xatosidan foydalangan Leveling aniq zarba yo‘llab, hisobni ochdi — 0:1.
Ikkinchi bo‘lim o‘rtalarida Skalli yana noxush epizod muallifiga aylandi: burchak zarbasidan keyin to‘pni o‘z darvozasiga yo‘naltirib yubordi — 0:2.
74-daqiqada mehmonlar yakuniy nuqtani qo‘ydi: Deniz Undav samarali zarba bilan farqni uchtaga yetkazdi — 0:3.
Ushbu g‘alabadan so‘ng «Shtutgart» turnir jadvalida 4-o‘ringa ko‘tarildi, «Borussiya» esa 11-pog‘onada qolib ketdi.
“Zamin”ni Telegramʻda oʻqing!
