Telegram messenjerida Emoji Stake kazinosi ishga tushdi

Telegram messenjerida Emoji Stake nomli yangi oʻyin platformasi paydo boʻldi. Ushbu servis toʻgʻridan-toʻgʻri ilova ichida ishlaydi va foydalanuvchilarga TON kriptovalyutasi orqali virtual emodzi-kubik tashlash natijalariga garov tikish imkonini beradi. Bu haqda Ixbt.com xabar beradi.

Oʻyin mexanikasi juda oddiy: foydalanuvchi garov summasini tanlaydi va kubik 1 dan 6 gacha boʻlgan raqamlardan birini koʻrsatadi. Agar kubikda 1 raqami tushsa, tikilgan mablagʻ toʻliq kuyadi. Boshqa raqamlar uchun esa maʼlum bir koeffitsiyentlar belgilangan.

Platformaning rasmiy relizi vaqtida ishlab chiquvchilar yutuq koeffitsiyentlarini sinov bosqichidagiga nisbatan sezilarli darajada pasaytirdilar. Masalan, 4 raqami uchun multiplikator 1,5 dan 1,2 gacha, 6 raqami uchun esa 3 dan 2 gacha kamaytirildi. Shuningdek, ketma-ket oltita gʻalaba uchun maksimal yutuq ham x6 dan x5 ga tushirildi.

Emoji Stake platformasidan foydalanish imkoniyati cheklangan. Hozirgi vaqtda ushbu oʻyinda faqat Telegram reytingi 5 va undan yuqori boʻlgan foydalanuvchilar ishtirok etishlari mumkin. Reytingi pastroq boʻlgan foydalanuvchilar uchun platforma hozircha yopiq hisoblanadi.