12:28 / 23.09.2015
5 642

BAAda robot-shifokorlar navbatchilik qiladigan bo‘ldi

BAAda robot-shifokorlar navbatchilik qiladigan bo‘ldi
Birlashgan Arab Amirliklarida robot-polisiyachilar, kompyuter parkovkachilar va boshqa ko‘plab elektron yordamchilar safiga robot-shifokorlar ham qo‘shildi. Ular tibbiyot xizmatlari mahalliy bozorida haqiqiy inqilob qilishlari kutilmoqda. “Galf nyus” nashrining ma’lum qilishicha, birinchi bunday qurilma Xatta shifoxonasida navbatchilik qilishga kirishdi.

Nashrning ma’lumotlariga ko‘ra, “Dubai Robo Doc” deb nomlangan yangi qurilma bemorlarni masofadan davolash tizimining bir qismi hisoblanadi va yaqin orada BAAdagi 15 ta eng yirik tibbiyot muassasalari tomonidan qurollanishga olinadi. “Bu texnika evaziga shifokorlar bemorlarni masofadan turib kuzatishlari mumkin bo‘ladi. Ular keng ko‘lamdagi eng zamonaviy tashxislash vositalariga ega va tegishli qayta tayyorgarlikdan keyin istalgan shifokor uchun xizmat qila oladi”, deb aytmoqda shifokor Muin Fikriy.

Nashrning yozishicha, kichik o‘lchamdagi bu robot kasalxona bo‘ylab yura oladi va mamlakatning istalgan qismida joylashgan maxsus boshqarish markazidan turib mutaxassis tomonidan boshqarilishi mumkin. Shifokor kameralar va boshqa maxsus qurilmalar yordamida kasalni to‘liq ko‘rib chiqib, unga davolash kursini belgilashi mumkin.

“Biz qurilma tomonidan olingan laborator tadqiqotlar analizlarini o‘rganib chiqishimiz, rentgen surati olishimiz va bemorning tashqi ko‘rinishi, uning terisi rangiga baho berishimiz mumkin. Bu qurilma malakali shifokor voqea joyiga o‘z vaqtida eta olmaydigan shoshilinch vaziyatlarda birlamchi tashxislarni qo‘yish uchun idealdir. Shu tariqa biz uzoqda joylashgan kichik tibbiyot punktlaridagi hamkasblarimizga ko‘mak bera olamiz,”, deb qo‘shimcha qilmoqda Fikriy.

Mutaxassislarning fikricha, robotlashgan shifokor tibbiyotning kelajagi hisoblanadi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » BAAda robot-shifokorlar navbatchilik qiladigan bo‘ldi