Bananning biz bilmagan 10 foydali xususiyati

Bananlar — «foyda» bilan «shirin maza» bo‘lgan mahsulotdir. Uning tarkibidagi vitamin va boshqa moddalar bizning organizmimizni har tomondan o‘rab turadi.

Quyida uning ko‘zga tashlanmaydigan foydali xususiyatlari bilan tanishamiz. Biroq bu barcha bananlarni ham yeyish mumkin, degani emas.

Onkologik kasalliklardan profilaktika

Bananda onkologik kasalliklarni (o‘simta nekrozi omili) oldini olishga yordam beruvchi muayyan oqsil mavjud. Bu moddaning miqdori yetilgan mevalarda ancha yuqori bo‘ladi. Shu sababli qora dog‘lar bilan qoplangan yoki qoraygan bananlarni iste’mol qilish tavsiya etiladi.

Tomir tortishi bilan kurash

Minerallar yetishmovchiligi — mushaklardagi tomir tortishishining asosiy sababidir. Banan kabi kaliy va magniyga boy yegulikni iste’mol qilish mushak spazmlarini bartaraf qiladi. Shu sababli ko‘plab sportchilar uni o‘z taomlari ro‘yxatiga kiritishadi.

Buyrak kasalliklarini oldini olish

Tarkibida yetarli miqdorda kaliy bo‘lgan yegulik buyrakda tosh yig‘ilishining oldini oladi. Tadqiqotlarga muvofiq, bananni doimiy taomlar ro‘yxatiga kiritish buyrakdagi xavfli o‘smalar paydo bo‘lish ehtimolini ham 40 foizga qisqartiradi.

Mustahkam yurak

Yetarlicha kaliyga ega mahsulot qon bosimi oshib turadigan va yurak-qon tomir kasalliklaridan aziyat chekuvchi insonlarga tavsiya qilinadi. Har kuni 1,3 grammdan bu mineral tanovul qilinsa, yurak bilan bog‘liq xastaliklarni 26 foizga qisqartiradi. Bu o‘rinda esa kuniga 2-3 dona banan yeyish foydali.

Toza qon tomirlar

Tomirlar o‘tkazuvchanligining yomonlashuviga ateroskleroz keltirib chiqaruvchi xolesterin sabab bo‘ladi. Bananlarda tomirlar tizimining salomatligini saqlaydigan fitosterollar mavjud.

Sog‘lom oshqozon

Bananlar oshqozon yarasi mavjud bo‘lgan kishilarga tavsiya qilinadi. Bu mevalar oshqozon devorini himoya qiluvchi shilimshiq sekretsiyasini ishlab chiqarishga yordam beruvchi maxsus fermentga ega.

Energiya manbai

Vitaminlar va minerallar ko‘pligi bananlarni ajoyib energiya manbai ekanligini tasdiqlaydi. Oddiy uglevodlar tezda hazm bo‘ladi va deyarli bir zumda zarur hollarda energiya resurslari taqchilligini to‘ldiradi.

Yaxshi kayfiyat

Bananlarda baxt garmoni (dofamin), shuningdek, asab tizimiga ijobiy ta’sir ko‘rsatuvchi V guruhidagi vitaminlarga boy. Bu esa asablar taranglashib, kayfiyat buzilganda ko‘proq banan yeyish kerakligini anglatadi.

Diabetga yordam

Bu tropik mevalarda 2 toifali qand diabeti bilan og‘ringan bemorlar ahvolini yaxshilaydigan o‘zgacha kraxmal turi mavjud. Biroq bu modda ko‘proq yashil bananlarda uchraydi. Taqqoslash uchun, yashil mevada o‘rtacha hajmda — 12,5 gramm, yetilib pishganda esa 5 gramm kraxmal mavjud.

Kelishgan qaddi-qomat
Kraxmal ortiqcha hajm va yog‘li qatlamlar shakllanishining oldini oladi. Bu holatda tavsiya etiluvchi meva miqdori — 10 gramm. Albatta, bananlar yeyishdan tashqari, sog‘lom turmush tarziga rioya qilish hamda oziqlanish odatlarini nazorat qilish talab etiladi. “Zamin” yangiliklarini “Instagram”da kuzatib boring