Жорий йилнинг 10–13 февраль саналарида Ўзбекистон ҳудуди томон нам ва сернам ҳаво оқимлари кириб келиши кутилмоқда. Бу ҳақда “Ўзгидромет” томонидан тезкор огоҳлантириш берилди.
Маълум қилинишича, мамлакат бўйлаб вақти-вақти билан ёмғир (шимолий ҳудудларда қорга айланиши мумкин) кузатилади, айрим манзилларда ёғингарчилик кучли бўлиши эҳтимоли бор.
Республиканинг тоғолди ва тоғли ҳудудларида ҳам ёғин-сочин (ёмғир, қор) кузатилиб, баъзан жадал тус олиши мумкин.
Шунингдек, республика миқёсида айрим жойларда шамол тезлиги 13–18 м/с гача кучайиши кутилмоқда. Айниқса, 10 февраль куни баъзи ҳудудларда шамол айрим пайтларда 20–23 м/с гача етиши мумкин.
Синоптиклар об-ҳаво ўзгарувчан бўлишини инобатга олиб, эҳтиёткорликни унутмасликни тавсия қилади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
