Миллий статистика қўмитаси маълумотларига кўра, 2026 йил 1 январь ҳолатида мамлакат бўйича ҳар 1 000 нафар аёлга ўртача 1 015 нафар эркак тўғри келган. Бу кўрсаткич мамлакатда жинслар нисбатида эркаклар салмоғи устунлигини кўрсатмоқда.
Ҳудудлар кесимида энг юқори кўрсаткич Наманган вилоятида қайд этилган бўлиб, у ерда ҳар 1 000 нафар аёлга 1 034 нафар эркак тўғри келади. Бу республика бўйича энг юқори натижа сифатида қайд этилган.
Шунингдек, Қашқадарё вилоятида ушбу кўрсаткич 1 029 нафар, Андижон вилоятида 1 027 нафар, Навоий вилоятида 1 026 нафар, Сурхондарё вилоятида эса 1 025 нафарни ташкил этган.
Жиззах ва Фарғона вилоятларида ҳар 1 000 нафар аёлга 1 019 нафар эркак тўғри келган бўлса, Самарқанд вилоятида бу рақам 1 016 нафар деб қайд этилган.
Қорақалпоғистон Республикасида кўрсаткич 1 010 нафарни, Сирдарё вилоятида 1 009 нафарни, Тошкент вилоятида 1 008 нафарни ташкил этган. Шунингдек, Бухоро вилоятида 1 006 нафар, Хоразм вилоятида эса 1 004 нафар эркак қайд этилган.
Пойтахт Тошкент шаҳрида эса аксинча ҳолат кузатилган. Бу ерда ҳар 1 000 нафар аёлга 966 нафар эркак тўғри келиб, республикада энг паст кўрсаткич сифатида қайд этилган.
“Zamin”ни Telegram'да ўқинг!
