Франция бир қатор украиналик ҳарбийларнинг қочиб кетганини тасдиқлади

^{Фото: Getty Images}
Франция кўмагида тузилган Украина Қуролли кучларининг "Анна Киевская" бригадасида оммавий дезертирлик бўйича жиноий иш қўзғатилиши фонида, Франция армияси расмий вакили украиналик аскарларнинг Франциядаги машғулотларда ҳарбий хизматдан воз кечиши «бир неча ўнлаб ҳолатлар» билан ўлчанади. «Бир нечта дезертирлик ҳолатлари бўлган, аммо машғулотлардан ўтаётган одамлар сонини ҳисобга олсак, улар жуда кам», деди армия расмийси 6 январ, душанба куни AFP'га.

Дезертирлик Францияда жиноят ҳисобланмайди. «Агар кимдир қочиб кетса, француз прокурори бу одамни ҳибсга олишга ҳақли эмас», — дея қўшимча қилди француз армияси вакили. У, шунингдек, украиналик аскарлар «француз казармаларида бўлгани учун улар кетишга ҳақли эдилар», дея қўшимча қилди.

AFP хабарига кўра, Франция ўз ҳудудида "Анна Киевская" бригадасининг 2300 аскарини тайёрлаган. Худди шу бригаданинг яна 2200 нафар аскари Украинада ўқитилди. Украина қуруқликдаги кучларининг амалдаги қўмондони Михаил Драпатий бир қатор оммавий ахборот воситаларига ушбу армия бўлинмаси билан боғлиқ «муаммолар» ҳақида гапирди. Украиналик журналист Юрий Бутусовга кўра, мамлакат президенти Володимир Зеленский яқинда бўлиб ўтган олий қўмондонлик штабида ҳозир Покровск йўналишида жанг олиб бораётган "Анна Киевская" бригадаси билан боғлиқ вазиятни шахсий назоратга олган. “Замин” янгиликларини “Facebook”да кузатиб боринг