Доха шаҳрида Араб ва Ислом давлатлари раҳбарлари саммити бўлиб ўтмоқда. У Исроилнинг ўтган ҳафта Қатарда ҲАМАСга қарши амалга оширган ҳужуми ортидан чақирилди.
Саммитда муҳокама қилинаётган қарор лойиҳасида Исроилнинг ҳужуми кескин қораланган. Унда минтақада “янги тартиб ўрнатиш режаларига” қарши эканлиги қайд этилган, бироқ иқтисодий ёки дипломатик чоралар назарда тутилмаган.
Қатар бош вазири шайх Муҳаммад бин Абдураҳмон Ал-Сани Исроилнинг бундай ҳаракатлари уларни воситачиликдан тўхтата олмаслигини айтди. Араб Лигасининг бош котиби эса йиғилиш Қатарни ёлғиз эмаслигини кўрсатишини таъкидлади.
Исроил бош вазири Бенямин Нетаняҳу Қатарни ҲАМАС етакчиларини чиқариб юборишга чақирди. АҚШ президенти Доналд Трамп эса ҳужумдан норози бўлиб, Қатарни тинчлик музокараларида муҳим ҳамкор сифатида эътироф этди.
«Замин»ни Telegram’да ўқинг!
