АҚШ Сенатида ҳукумат ишини қайта тиклаш бўйича овоз бериш муваффақиятсиз тугади. Демократлар ва республикачилар келишувга эриша олмади, шунинг учун ёпилиш камида душанбагача давом этади.
Президент Доналд Трамп маъмурияти Чикаго метроси учун ажратилган 2,1 миллиард долларни тўсиб қўйди. Шу билан бирга, демократлар бошқарувидаги ҳудудларда жами 28 миллиард доллардан ортиқ маблағ музлатилди.
Иллинойс губернатори Ж.Б. Притзкер бу қарорни танқид қилиб, уни сиёсий босим деб атади. Трамп эса бошқа шаҳар ва штатларда ҳам маблағларни тўсиб қўйиши мумкинлигини билдирди.
Ҳукумат ёпилиши натижасида федерал идоралар фаолияти тўхтаб, миллионлаб ходимлар маошсиз қолмоқда. Узоқ давом этса, бу АҚШ тарихидаги энг катта ёпилишлардан бирига айланиши мумкин.
“Zamin”ни Telegram'да ўқинг!
