Фото: Navy.mil
АҚШ ҳарбийлари 20 октябрь куни гипертовушли қуролининг учта муваффақиятли синов учишини амалга оширди. Бу ҳақда мамлакат Ҳарбий-денгиз кучларига таяниб, «РБК» хабар берди.
Таъкидланишича, тест давомида «илғор гипертовушли технологиялар ва реал вазиятдаги прототип-тизимлари намойиш этилган».
«Бу каби қуролларни ихтиро қилишда ракеталарни юқори аниқликда учириш ерусти синовлари ва кенг кўламли парвоз синовлари ўртасидаги муҳим бўшлиқларни тўлдиради», — дейилади хабарда. Шунингдек, қайд этилишича, улар ҳужум ва мудофаа гипертовушли технологияларининг тез ривожланишига кўмаклашади.
Маълумотларга кўра, гипертовушли қуролни яратишда Lockheed Martin ва Ratheon Technologies каби компаниялар, шунингдек, бошқа пудратчилар иштирок этган.
20 октябрь кунги учиришлардан сўнг, Пентагон 21 октябрь куни ҳам гипертовушли қуроллни учириш тестини ўтказган. Бироқ бу сафар учириш ракета-ташувчи ишдан чиққани сабаб узилиш билан амалга оширилган.
Эслатиб ўтамиз, 2021 йилнинг апрель ойида АҚШ ҳарбий ҳаво кучларининг AGM-183A ARRW гипертовушли ракетаси синовлари муваффақиятсиз тугаган эди. Ракета Boeing B-52 Stratofortress бомбардимончи самолётидан учирилиши керак бўлган. Бироқ ракета учиш тартибини якунлай олмасдан самолётда қолиб кетган. Самолёт ракета билан Калифорниядаги Эдвардс авиабазасига қайтиб келган.
Сентябрь охирларида эса АҚШ Мудофаа вазирлигининг истиқболли тадқиқот лойиҳалари бошқармаси (DARPA) гипертовушли ракетани муваффақиятли синовдан ўтказгани ҳақида маълум қилганди. Ўшанда парвоз пайтида ракета тезлиги товуш тезлигидан беш баравар юқори бўлган. Шунингдек, сентябрда Шимолий Корея ҳам «Хвасон-8» деб номланган янги гипертовушли ракетани муваффақиятли синовдан ўтказганини маълум қилган эди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Зеленский: Россия Украинанинг иссиқлик энергетикасини деярли тўлиқ яксон қилди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Қондаги шакар миқдорини тартибга солувчи фойдали мева номи айтилди