Тошкентдаги иситиш ва иссиқ сув таъминоти хизматлари учун тўловларни аниқлаш ва бошқариш бўйича янги имкониятлар пайдо бўлди. Veolia Energy Tashkent компаниясининг хабар беришича, истеъмолчиларнинг шахсий онлайн кабинетига қўшимча функция қўшилди, бунинг натижасида ҳар бир хизмат учун алоҳида тўловлар амалга оширилади.
Энди истеъмолчилар "Шарҳлаш" бўлими орқали тўловларнинг қайси хизмат учун, яъни иситиш ёки иссиқ сув таъминоти учун эканини аниқ кўрсатишлари мумкин. Тўлов миқдори ҳар бир хизмат учун алоҳида кўрсатилади, бу эса аҳоли учун янада аниқлик ва шффофлик яратади.
Шу билан бирга, янги функциядан фойдаланиш учун истеъмолчилар cabinet.veoliaenergy.uz манзили орқали шахсий кабинетларига киришлари, "Ҳисоб-китоблар" бўлимидан керакли даврни танлаб, «Шарҳлаш» тугмасини босишлари керак. Бу жараён энг содда ва қулай усулда тўловларни кўриш имкониятини яратади.
Veolia Energy Tashkent компанияси, агар тўловлар ёки хизматлар бўйича ноаниқликлар пайдо бўлса ёки хизматни яхшилаш бўйича таклифлар бўлса, истеъмолчилардан мурожаат қилишни илтимос қилган. Бу янги имкониятлар аҳолига тез ва самарали хизмат кўрсатишда муҳим қадамдир.
«Замин»ни Telegram’да ўқинг!
